Li gorî malpera Axios a nûçeyan a amerîkî Serokê Îstixbarata Navendî ya Amerîkayê (CIA) William Burns dê sêşemê bigihêje Îsraîl û Difa Xerbiye da ku bi rayedarên peyabilind ên îsraîlî û filistînî re bicive.

Di raporê de hat diyarkirin ku tê payîn Burns bi Serokwezîr Naftalî Bennett û Serokê MOSSAD’ê David Barnea û rayedarên peyabilind ên îstixbaratê û parastinê re bicive.

Li gorî pêşbiniyan li rex stratejiya DYA`yê ya li hemberî hikûmeta nû ya Îranê, vegera pêkan a li hevkirina nukleerî ya di navbera Îran û hêzên cîhanî de mijara bernameya nukleerî ya Îranê dê bibe mijara sereke ya dan û standinên serokê CIA`yê.

Burns hemwextî zêdebûna asta nakokiyan li herêmê, dê serdana herêmê bike.