Pêncşem, December 2, 2021

Seyîd Riza û embazê ci Kadikoy de ameyî yadkerdene

Seyîd Riza û embazê ci serrgêra 84. ya îdaman de Kadikoy de rayberîya Federasyonê Dezgehanê Dêrsimî (DEDEF), Federasyonê Yewinanê Dêrsimî yê Demokratîkan ê Ewropa (ADEF), dezgehanê elewîyan û HDPyî de ameyî yadkerdene.

Parlementerê Partîya Demokratîke ya Şaran (HDP) Zeynel Ozcan û Musa Pîroglu zî tewrê merasîmî bîyî. Merasîm de fotogragê Seyîd Rizayî ameyî akerdene, findî ameyî tavistene û şiwarê Dêrsimî ameyî vatene. Beşdaranê merasîmî pankarta bi nuşteyê ‘Ma qet xo vîr a nêkerd, ma çîyêk zî efî nêkerd’ û pankarta bi kirdkî ya ‘Dêrsim 37-38 roja reş a’ akerde.

Deqayêkê rêzgirewtişî ra dima eşkerayîye ameye wendene û derheqê Seyîd Riza û embazanê ci de, derheqê polîtîkayanê vera Dêrsimî de qiseykerdişî ameyî kerdene. Qiseykerdişan de ame waştene ke cayê goranê Seyîd Riza û embazanê ci wa bêro eşkerakerdene.

Merasîm pê vilakerdişê loqmayan qedîya.

Terteleyê Dêrsimî

Rayber û pîrê Dêrsimî Seyîd Riza, Wusênê Seydî, Alîyê Mirzê Sîlî, Hesen Aga, Findiq Aga, Resik Uşên û Hesenê Ivraîmê 15ê teşrîna peyêne ya 1937î de hetê dewleta tirke ra Xarpêt de Meydanê Bugdayî de ameybî dardekerdene. Gorê Seyîd Riza û embazanê ci qetî nêameyî eşkerakerdene. 84 serrî yo rixmê xîretanê keyeyan zî dewlete cayê goran eşkera nêkerd.

Dardekerdişê Seyîd Riza û embazanê ci ra dima semedê dêrsimijan surgunîye dest pêkerde. Goreyê doneyan ê fermîyan Terteleyê Dêrsimî (Jenosîd) de 1937 de 1737 û 1938 de 6 hezar û 868 kesî ameyî qirkerdene. La goreyê tarîxnasan jenosîd de tewr tay 70 hezar merdimî ameyî qirkerdene, bi des hezaran kesî ameyî surgunkerdene û domanê kênayî ameyî dayene keyeyanê leşkeran. STENBOL

Seyîd Riza û embazê ci Kadikoy de ameyî yadkerdene

Seyîd Riza û embazê ci serrgêra 84. ya îdaman de Kadikoy de rayberîya Federasyonê Dezgehanê Dêrsimî (DEDEF), Federasyonê Yewinanê Dêrsimî yê Demokratîkan ê Ewropa (ADEF), dezgehanê elewîyan û HDPyî de ameyî yadkerdene.

Parlementerê Partîya Demokratîke ya Şaran (HDP) Zeynel Ozcan û Musa Pîroglu zî tewrê merasîmî bîyî. Merasîm de fotogragê Seyîd Rizayî ameyî akerdene, findî ameyî tavistene û şiwarê Dêrsimî ameyî vatene. Beşdaranê merasîmî pankarta bi nuşteyê ‘Ma qet xo vîr a nêkerd, ma çîyêk zî efî nêkerd’ û pankarta bi kirdkî ya ‘Dêrsim 37-38 roja reş a’ akerde.

Deqayêkê rêzgirewtişî ra dima eşkerayîye ameye wendene û derheqê Seyîd Riza û embazanê ci de, derheqê polîtîkayanê vera Dêrsimî de qiseykerdişî ameyî kerdene. Qiseykerdişan de ame waştene ke cayê goranê Seyîd Riza û embazanê ci wa bêro eşkerakerdene.

Merasîm pê vilakerdişê loqmayan qedîya.

Terteleyê Dêrsimî

Rayber û pîrê Dêrsimî Seyîd Riza, Wusênê Seydî, Alîyê Mirzê Sîlî, Hesen Aga, Findiq Aga, Resik Uşên û Hesenê Ivraîmê 15ê teşrîna peyêne ya 1937î de hetê dewleta tirke ra Xarpêt de Meydanê Bugdayî de ameybî dardekerdene. Gorê Seyîd Riza û embazanê ci qetî nêameyî eşkerakerdene. 84 serrî yo rixmê xîretanê keyeyan zî dewlete cayê goran eşkera nêkerd.

Dardekerdişê Seyîd Riza û embazanê ci ra dima semedê dêrsimijan surgunîye dest pêkerde. Goreyê doneyan ê fermîyan Terteleyê Dêrsimî (Jenosîd) de 1937 de 1737 û 1938 de 6 hezar û 868 kesî ameyî qirkerdene. La goreyê tarîxnasan jenosîd de tewr tay 70 hezar merdimî ameyî qirkerdene, bi des hezaran kesî ameyî surgunkerdene û domanê kênayî ameyî dayene keyeyanê leşkeran. STENBOL