Pêncşem, December 9, 2021

Sîyasetê AKP-MHPyî  xo Hewlêr de mojna

Nevîn Alkan

150 roşnvîr, hunermend, rojnameger, sîyadetmedar û aktîvîstî zî tede xeylê kesî seba bale antişê hêrişanê dagirkerî yê vera Başûrê Kurdîstanî û vernîya şerê zereyî yê kurdan bigêrê Delegasyonê Mîyanneteweyî yê seba Aştîye û Azadîya Kurdîstanî awan kerdî û welatanê cîya cîyayan yê Ewropa ra seba şîyayîşê Başûrî kewtî rayîr. Heyetê Înîsîyatîfê Kurdîstanî Bipawê (Defend Kurdîstan) ke vera hêrişê dagirkerîye yê Başûrê Kurdîstanî kewt rayîr, waşt Kurdîstan de tay pêvînayîşan bikero la xeylê cayan de hetê hêzanê PDKyî ra amebi astengkerdene. No bes nêyo ê ke agêrayî welatanê ke ci ra kewtbi rayîr raştê teda û astengîyan ameyî. Derheqê babete de rojnameger Mahîr Uzmezo ke seba taqîpkerdişê xeberan Ewropa ra şîbî Başûr qisey kerd û qala astengîyanê ke heyetî raştê ci ame kerd.

Uzmez dîyar kerd ke şarê kurdî reyde torrêka paştîdayîşî ê mîyanneteweyî esta û wina dewam kerd: “Na torre prosesê awankerdişê Şorişê Rojawanî de vera hêrîşanê xeleyî ê 2014î û hêrîşanê dagirkerîye de reyna ame têhet. Raştî vejîyayîşê ma ê rayîrî de tay nê çîyî sebeb bîyî. Ma vera hêrîşanê DAIŞî de kurdan reyde bîyî yew ke o wext şarê kurd seba ma rêxistinêka terorî ê Mîyanneteweyîye raşte ra wedarna. No şar nika zî raştê hêrîşanê dewleta tirkî ê dagirkerîye yeno. Semedo ke ma taxrîbatan cayê ci de bivînî û bêvengîya rayaumîmî ya dinya bişiknî, ma vat ke ma deyndarê şarê xo yî û vera hêrîşanê ke taybetî 23ê nîsane de destpêkerdî de weriştî payan ser. Amacê ma o bî ke ma 14ê  hezîrane de Hewlêr de eşkerayîyêk bidî û biwazî ke wa NATO nêba hâletê hêrîşanê dagirkerîye ê  dewleta tirkî. Heyetê Înîsîyatîfê Kurdîstanî Bipawê (Defend Kurdîstan) nê esasan ser o awan bî. No heyet xo bi xo awan bî. Bade 8ê hezîrane beşdaroxê heyetî hêdî hêdî sey koman ver bi Hewlêrî kewtî rayîr. Koma tewr girde zî 12ê hezîrane de kewt rayîr û goreyê planan do 14ê hezîrane de pêroyê koman Hewlêr de biresayêne yewbînan. Ez zî seba takîpkerişê nê planî sey rojnamegerêk şîya Hewlêr.”

‘Tena 8 kes abluqa şikit’

Uzmezî dewamê qîseykerdişê xo de bale ant caardişanê ke heyet raştê ci ame ser û wina domna: “Heyet, raştê caardişanê cîya cîyayan ame. Koma yewine 8ê hezîrane de Fransa ra ame. Na kome bado ke raşteyê teyareyan de ameye war temsîlkaranê PDKyî ê Hewlêrî û temsîlkaranê taybetî na kome vervazî kerd. Bade pêvînayîşê temsîlkaran reyde yewna koma ke Fransa ra ameye, hetê asayîşê Hewlêrî ra ame vindarnayene û heta yewna roje rasteyê teyareyan de ame vindarnayene û erşawîya Fransa. Dima ra 3 kesê ke ameybî vervazîyê kome ameyî tepiştene û goreyê xeberan, înan ra xeber nîna girewtene. Astengîyê yewine wina bî. Astengîyê cîya cîyayî virazîyayî labelê astengîya tewr girde 12ê hezîrane de virazîya. Goreyê vatişanê endamanê heyetî bi wertaxîya PYD-Tirkîya-Almanya 27 kesî wexto ke weniştêne teyare ameyî destbendkerdene û 35 kesan ra tena 8 kesî na abluqa şikit û resayî Hewlêr. Înan mîyan de parlementerê veren ê HDPyî Demîr Çelîk, sefîrê verên ê Berlînî El Salvador zî estbî. Na kome ame astengkerdene û erşawîya Tirkîya. Nê kesî seba paştîdayîşê kurdan ameyî la hetê hukmatê kurdan ra ameyî astengkerdene.”

‘Îstîxbarat taqîp kerdêne’ 

Uzmezî da zanayene ke îstîxbaratê tirkî, îstîxbaratê ereb û îstîxbaratê PDKyî bi hawayêke eşkera faalîyetanê heyetî taqîp kerdêne û va: “Heyet waştêne 14ê hezîrane de Hewlêr de eşkerayî bido û şêro herêma Behdînan ke cayê hêrişanê tewr zêdeyan o. Labelê heyet, hetê asayîşê PDKyî ra ame astengkerdene. Otel da daxî vejîyayaşê endamanê heyetî ameyêne astengkerdene.  Coka ra verê otelî de eşkerayî dayî. Endamê heyetî tima ameyêne taqîpkerdene û ameyêne tacîzkerdene. Îstîxbaratê tirkî, îstîxbaratê ereb û îstîxbaratê PDKyî bi hawayêke eşkera verê otelî û lobîyê otelî de gêrayêne û pêroyê faalîyetanê heyetî kontrol kerdêne.”

‘Şerêko newe ê bîratî’

Uzmezî dewamê qiseykerdişê xo de va: “Hetêk ra nê astengîyî ameyêne cuyayene la reyna zî moralê heyetî baş bi. Vera hende astengîyan reyna zî heyet xebatan rayra berd û xeylê pêvînayîşan pê ard. Hem Hewlêr û hem zî Silêmanî de vîşêrê PDKyî xeylê partîyanê sîyasîyan reyde pêvînayîş kerd. Vengdayîşêko wertax estbî. Talebê pêro kesan yew bî. Her kes nêheqîya dewleta tirkî ya dagirkerîya Başûrî ardî ziwan û dîyar kerd ganî şerêko newe ê bîratî nêvirazîyo. Pêroyê pêvînayîşan nê taleban ser de virazîya. Sîyasetê AKP-MHPyî xo Hewlêr de zî mojna. Partîya Komînîst ya Kurdîstanî wexto ke heyet ewja de bî tena aktîvîteyêk eşka viraza. Partîyê kurdî nê hêrişan ra zêde aciz bî û vatêne ke ê çi deste înan ra bêro kene ke wa şerê birakûjî nêqewimîyo û labelê reyna zî herêma Hewlêr û Behdînanî bine kontrolê PYDyî de yo. Herêma YNKyî yanî Silêmanî ra hîna zêde veng vejîya û açarîya vengêko berz ê rêxistinkerde.”

‘Koordînasyon Tirkîya ra ameyêne’

Uzmez tewr peynî wina vat: “Endamê heyetî tewr zêde Almanya ra kewtbî rayîr. Vîşêrê Ewropa ra 14 welatan ra endamî estbî. Almanya tewr welatîyanê xo rê astengîyan vet. Ez eşkena vaja ke astengîyê ke PDK vet hetê dewleta tirkî ra ameyêne kontrolkerdene. Almanya û Katar zî bibî wertax. Koordînasyonê hêrişan Tirkîya ra ameyêne. Almanya eşkerayaya xo de vat ke ê nêwazenê têkilîya mabenê înan xira biba, coka ra şîyayîşê heyetî ca de nêvînenê.  Nê vatişan ra dima endamê heyetî bi hawayêke xirab ameyî destbendkerdene û raştê hêrişan ameyî. Astengîya tewr zêde Almanya de virazîya. Swêd, Belçîka, Fransa û Îtalya de zêde problem nêvirazîya. Wina asayêne ke konsept tena mabenê Almanya, Katar, PDK û Almanya de bî. Welatê ke dîplomasîya înan Tirkîya reyde baş a, caardişanê kêfîyan vet.”

Sîyasetê AKP-MHPyî  xo Hewlêr de mojna

Nevîn Alkan

150 roşnvîr, hunermend, rojnameger, sîyadetmedar û aktîvîstî zî tede xeylê kesî seba bale antişê hêrişanê dagirkerî yê vera Başûrê Kurdîstanî û vernîya şerê zereyî yê kurdan bigêrê Delegasyonê Mîyanneteweyî yê seba Aştîye û Azadîya Kurdîstanî awan kerdî û welatanê cîya cîyayan yê Ewropa ra seba şîyayîşê Başûrî kewtî rayîr. Heyetê Înîsîyatîfê Kurdîstanî Bipawê (Defend Kurdîstan) ke vera hêrişê dagirkerîye yê Başûrê Kurdîstanî kewt rayîr, waşt Kurdîstan de tay pêvînayîşan bikero la xeylê cayan de hetê hêzanê PDKyî ra amebi astengkerdene. No bes nêyo ê ke agêrayî welatanê ke ci ra kewtbi rayîr raştê teda û astengîyan ameyî. Derheqê babete de rojnameger Mahîr Uzmezo ke seba taqîpkerdişê xeberan Ewropa ra şîbî Başûr qisey kerd û qala astengîyanê ke heyetî raştê ci ame kerd.

Uzmez dîyar kerd ke şarê kurdî reyde torrêka paştîdayîşî ê mîyanneteweyî esta û wina dewam kerd: “Na torre prosesê awankerdişê Şorişê Rojawanî de vera hêrîşanê xeleyî ê 2014î û hêrîşanê dagirkerîye de reyna ame têhet. Raştî vejîyayîşê ma ê rayîrî de tay nê çîyî sebeb bîyî. Ma vera hêrîşanê DAIŞî de kurdan reyde bîyî yew ke o wext şarê kurd seba ma rêxistinêka terorî ê Mîyanneteweyîye raşte ra wedarna. No şar nika zî raştê hêrîşanê dewleta tirkî ê dagirkerîye yeno. Semedo ke ma taxrîbatan cayê ci de bivînî û bêvengîya rayaumîmî ya dinya bişiknî, ma vat ke ma deyndarê şarê xo yî û vera hêrîşanê ke taybetî 23ê nîsane de destpêkerdî de weriştî payan ser. Amacê ma o bî ke ma 14ê  hezîrane de Hewlêr de eşkerayîyêk bidî û biwazî ke wa NATO nêba hâletê hêrîşanê dagirkerîye ê  dewleta tirkî. Heyetê Înîsîyatîfê Kurdîstanî Bipawê (Defend Kurdîstan) nê esasan ser o awan bî. No heyet xo bi xo awan bî. Bade 8ê hezîrane beşdaroxê heyetî hêdî hêdî sey koman ver bi Hewlêrî kewtî rayîr. Koma tewr girde zî 12ê hezîrane de kewt rayîr û goreyê planan do 14ê hezîrane de pêroyê koman Hewlêr de biresayêne yewbînan. Ez zî seba takîpkerişê nê planî sey rojnamegerêk şîya Hewlêr.”

‘Tena 8 kes abluqa şikit’

Uzmezî dewamê qîseykerdişê xo de bale ant caardişanê ke heyet raştê ci ame ser û wina domna: “Heyet, raştê caardişanê cîya cîyayan ame. Koma yewine 8ê hezîrane de Fransa ra ame. Na kome bado ke raşteyê teyareyan de ameye war temsîlkaranê PDKyî ê Hewlêrî û temsîlkaranê taybetî na kome vervazî kerd. Bade pêvînayîşê temsîlkaran reyde yewna koma ke Fransa ra ameye, hetê asayîşê Hewlêrî ra ame vindarnayene û heta yewna roje rasteyê teyareyan de ame vindarnayene û erşawîya Fransa. Dima ra 3 kesê ke ameybî vervazîyê kome ameyî tepiştene û goreyê xeberan, înan ra xeber nîna girewtene. Astengîyê yewine wina bî. Astengîyê cîya cîyayî virazîyayî labelê astengîya tewr girde 12ê hezîrane de virazîya. Goreyê vatişanê endamanê heyetî bi wertaxîya PYD-Tirkîya-Almanya 27 kesî wexto ke weniştêne teyare ameyî destbendkerdene û 35 kesan ra tena 8 kesî na abluqa şikit û resayî Hewlêr. Înan mîyan de parlementerê veren ê HDPyî Demîr Çelîk, sefîrê verên ê Berlînî El Salvador zî estbî. Na kome ame astengkerdene û erşawîya Tirkîya. Nê kesî seba paştîdayîşê kurdan ameyî la hetê hukmatê kurdan ra ameyî astengkerdene.”

‘Îstîxbarat taqîp kerdêne’ 

Uzmezî da zanayene ke îstîxbaratê tirkî, îstîxbaratê ereb û îstîxbaratê PDKyî bi hawayêke eşkera faalîyetanê heyetî taqîp kerdêne û va: “Heyet waştêne 14ê hezîrane de Hewlêr de eşkerayî bido û şêro herêma Behdînan ke cayê hêrişanê tewr zêdeyan o. Labelê heyet, hetê asayîşê PDKyî ra ame astengkerdene. Otel da daxî vejîyayaşê endamanê heyetî ameyêne astengkerdene.  Coka ra verê otelî de eşkerayî dayî. Endamê heyetî tima ameyêne taqîpkerdene û ameyêne tacîzkerdene. Îstîxbaratê tirkî, îstîxbaratê ereb û îstîxbaratê PDKyî bi hawayêke eşkera verê otelî û lobîyê otelî de gêrayêne û pêroyê faalîyetanê heyetî kontrol kerdêne.”

‘Şerêko newe ê bîratî’

Uzmezî dewamê qiseykerdişê xo de va: “Hetêk ra nê astengîyî ameyêne cuyayene la reyna zî moralê heyetî baş bi. Vera hende astengîyan reyna zî heyet xebatan rayra berd û xeylê pêvînayîşan pê ard. Hem Hewlêr û hem zî Silêmanî de vîşêrê PDKyî xeylê partîyanê sîyasîyan reyde pêvînayîş kerd. Vengdayîşêko wertax estbî. Talebê pêro kesan yew bî. Her kes nêheqîya dewleta tirkî ya dagirkerîya Başûrî ardî ziwan û dîyar kerd ganî şerêko newe ê bîratî nêvirazîyo. Pêroyê pêvînayîşan nê taleban ser de virazîya. Sîyasetê AKP-MHPyî xo Hewlêr de zî mojna. Partîya Komînîst ya Kurdîstanî wexto ke heyet ewja de bî tena aktîvîteyêk eşka viraza. Partîyê kurdî nê hêrişan ra zêde aciz bî û vatêne ke ê çi deste înan ra bêro kene ke wa şerê birakûjî nêqewimîyo û labelê reyna zî herêma Hewlêr û Behdînanî bine kontrolê PYDyî de yo. Herêma YNKyî yanî Silêmanî ra hîna zêde veng vejîya û açarîya vengêko berz ê rêxistinkerde.”

‘Koordînasyon Tirkîya ra ameyêne’

Uzmez tewr peynî wina vat: “Endamê heyetî tewr zêde Almanya ra kewtbî rayîr. Vîşêrê Ewropa ra 14 welatan ra endamî estbî. Almanya tewr welatîyanê xo rê astengîyan vet. Ez eşkena vaja ke astengîyê ke PDK vet hetê dewleta tirkî ra ameyêne kontrolkerdene. Almanya û Katar zî bibî wertax. Koordînasyonê hêrişan Tirkîya ra ameyêne. Almanya eşkerayaya xo de vat ke ê nêwazenê têkilîya mabenê înan xira biba, coka ra şîyayîşê heyetî ca de nêvînenê.  Nê vatişan ra dima endamê heyetî bi hawayêke xirab ameyî destbendkerdene û raştê hêrişan ameyî. Astengîya tewr zêde Almanya de virazîya. Swêd, Belçîka, Fransa û Îtalya de zêde problem nêvirazîya. Wina asayêne ke konsept tena mabenê Almanya, Katar, PDK û Almanya de bî. Welatê ke dîplomasîya înan Tirkîya reyde baş a, caardişanê kêfîyan vet.”