Pêncşem, December 2, 2021

Tehlîyekerdişê 3 tepişteyan ame astengkerdiş

Jiyan Ateş, Hanim Yildirim û Rojdan Erez Zîndanê Cinîyan ê Sîncanî de tepişte yê û ganî bêrê tehlîyekerdiş, la hetê selahîyetdarê zîndanî ra perwerdeyê 6 mengan ame ferzkerdiş. Jiyane, bi rayîrê keyeyê xo veng da sîyasetmedar û rayaumumî derheqê babete de aya bê.

Zîndanê herême û Tirkîya de binpaykerdişê heqê tepişteyan dewam keno. Zîndanê Cinîyan ê Sîncanî de tepişteyê sîyasî yê bi nameyê Jiyan Ateş, Hanim Yildirim û Rojdan Erez pêwa cezaya xo temam kerdê zî bi bahaneyê cîya nînê tehliyekerdiş. Rojdan û Hanime 5 rojî yo, Jiyane zî 3 rojî yo pêwa cezaya înan xelas bîya zî caardişê kêyfî yê îdareyê zîndanî ra nînê veradayîş.

Jiyan Ateş, semedê endamîya rêxistine 10 serrî ceza girewt, Jiyana ke cezaya xo qedênaya nika “poşmanî” ci rê yeno ferzkerdiş. Jiyane bi rayîrê telefonî derheqê babete de zanayîş da waya xo ya Pinar Ateş. Pinare zî zanayîşê waya xo ajansê ma rê qal kerd.

‘Tehlîyekerdiş yeno astengkerdiş’

Pinar Ateş bi rayîrê telefonî waya xo ya Jiyan Ateş dir qisey kerd û vat: “3 rojî mendibi ke ez bêrî tehlîyekerdiş, gardiyanan semedê îmzakerdişî formêk dayî mi. Ez vera nê vejîyaya. Mi zêde muhtewayê formî nêdî la sey madeyê poşmanî ci de ameyîbî bi cakerdiş. Wexto ke ma vejîyayî vernîya Heyetê Zîndanî zî eynî persî bî. Rojêke mendibi ke ez bêrî tehliyekerdiş, paketa perwerdî yê 6 mengî dayî vernîya mi. Mi ra vatî, ‘Pakêta islahêyî’ yo. Ez hemverê nê pakête û perwerdî vejîyaya. Dima ra psîkologêk şawitî verê mi. Roja ke ez bêrî tehliyekerdiş zî hetê Serdozgerîya Komare ra belgenameyêk dayî mi û tehliyekerdişê mi redkerdiş.

Ma rayaumumî ra paştdayîş wazenê

Semedê heme zîndanan, qerarêk ameyo dayîş. Bi nê qeraran dir tepişteyî nika bi îşkenceyan dir rî bi rî manenê. Nika nê çî bi ma zî danê hîskerdiş. Beno ke Sincan de zî wina bo. Ma wazenê ke rayaumumî serê na babete de vindero û hîn hîsgêr bê. Kam ci rêxistin beno wa bibo sazgeh û dezgeh û rêxistin beno wa bibo vera nê bêveng nêmano. Bi taybetî zî şarê ma bêveng nêmano.

Çîyo ke ez poşman bibî çin o

6 mengî ceza mi rê zêde kerdî, nîsane de do reyke bîn bi erjnê. Eke çîyêk bîn nêvejê ez o tehlîye bibî. Mi derheqê babete de waştişnameyêk da û ez vera nê qerarî vejîyaya. Rojêke maneno tehlîyekerdişî rê bahaneyê cîya vejenê vernîya ma. Esasê xo de cezaya ke bi peynî bîya esta. Ez tu wext ‘Paketa Perwerdî’ qebûl nêkena. Ez ‘islah’ zî nêbena. Ez 10 serrî yo tepişte ya. Çîyo ke ez poşman bî çin o. Ma çîyê ke ciwîyenê tu wext qebûl nêkenê.” ANQARA

Tehlîyekerdişê 3 tepişteyan ame astengkerdiş

Jiyan Ateş, Hanim Yildirim û Rojdan Erez Zîndanê Cinîyan ê Sîncanî de tepişte yê û ganî bêrê tehlîyekerdiş, la hetê selahîyetdarê zîndanî ra perwerdeyê 6 mengan ame ferzkerdiş. Jiyane, bi rayîrê keyeyê xo veng da sîyasetmedar û rayaumumî derheqê babete de aya bê.

Zîndanê herême û Tirkîya de binpaykerdişê heqê tepişteyan dewam keno. Zîndanê Cinîyan ê Sîncanî de tepişteyê sîyasî yê bi nameyê Jiyan Ateş, Hanim Yildirim û Rojdan Erez pêwa cezaya xo temam kerdê zî bi bahaneyê cîya nînê tehliyekerdiş. Rojdan û Hanime 5 rojî yo, Jiyane zî 3 rojî yo pêwa cezaya înan xelas bîya zî caardişê kêyfî yê îdareyê zîndanî ra nînê veradayîş.

Jiyan Ateş, semedê endamîya rêxistine 10 serrî ceza girewt, Jiyana ke cezaya xo qedênaya nika “poşmanî” ci rê yeno ferzkerdiş. Jiyane bi rayîrê telefonî derheqê babete de zanayîş da waya xo ya Pinar Ateş. Pinare zî zanayîşê waya xo ajansê ma rê qal kerd.

‘Tehlîyekerdiş yeno astengkerdiş’

Pinar Ateş bi rayîrê telefonî waya xo ya Jiyan Ateş dir qisey kerd û vat: “3 rojî mendibi ke ez bêrî tehlîyekerdiş, gardiyanan semedê îmzakerdişî formêk dayî mi. Ez vera nê vejîyaya. Mi zêde muhtewayê formî nêdî la sey madeyê poşmanî ci de ameyîbî bi cakerdiş. Wexto ke ma vejîyayî vernîya Heyetê Zîndanî zî eynî persî bî. Rojêke mendibi ke ez bêrî tehliyekerdiş, paketa perwerdî yê 6 mengî dayî vernîya mi. Mi ra vatî, ‘Pakêta islahêyî’ yo. Ez hemverê nê pakête û perwerdî vejîyaya. Dima ra psîkologêk şawitî verê mi. Roja ke ez bêrî tehliyekerdiş zî hetê Serdozgerîya Komare ra belgenameyêk dayî mi û tehliyekerdişê mi redkerdiş.

Ma rayaumumî ra paştdayîş wazenê

Semedê heme zîndanan, qerarêk ameyo dayîş. Bi nê qeraran dir tepişteyî nika bi îşkenceyan dir rî bi rî manenê. Nika nê çî bi ma zî danê hîskerdiş. Beno ke Sincan de zî wina bo. Ma wazenê ke rayaumumî serê na babete de vindero û hîn hîsgêr bê. Kam ci rêxistin beno wa bibo sazgeh û dezgeh û rêxistin beno wa bibo vera nê bêveng nêmano. Bi taybetî zî şarê ma bêveng nêmano.

Çîyo ke ez poşman bibî çin o

6 mengî ceza mi rê zêde kerdî, nîsane de do reyke bîn bi erjnê. Eke çîyêk bîn nêvejê ez o tehlîye bibî. Mi derheqê babete de waştişnameyêk da û ez vera nê qerarî vejîyaya. Rojêke maneno tehlîyekerdişî rê bahaneyê cîya vejenê vernîya ma. Esasê xo de cezaya ke bi peynî bîya esta. Ez tu wext ‘Paketa Perwerdî’ qebûl nêkena. Ez ‘islah’ zî nêbena. Ez 10 serrî yo tepişte ya. Çîyo ke ez poşman bî çin o. Ma çîyê ke ciwîyenê tu wext qebûl nêkenê.” ANQARA