spot_imgspot_imgspot_img
28 Mart, Perşembe - 2024

Gösterilecek bir içerik yok

‘Tertelê Dêrsimî ewro vera heme Kurdîstanî yeno kerdene’

Seyîd Riza û embazê ci bajarê Langenthalî yê Swîsre de ameyî vîrardene. Aktîvîte de ame vatene ke Terteleyê Dêrsimî ewro zî dewam keno û vera hêrişan mesajê pîlkerdişê têkoşînî ameyî dayene.

Semedê vîrardişê Seyîd Riza û embazê ci yê ke Terteleyê Dêrsimî de ameyî qetilkerene bajarê Langenthalî yê Swîsre de aktîvîte ameye organîzekerdene. Aktîvîteya ke heta Federasyonê Elewîyan ê Demokratîkan (FEDA) ra Cemxaneyê Langthalî de ameye kerdene de şexsê Seyîd Riza û embazanê ci de semedê kesanê ke rayîrê heq û heqîqatî de dinyaya xo bedilnaye gulbang ame wendene.

Bi nameyê FEDA Alî Maturî ke aktîvîte de qisey kerd, nê vatî: ”Rayberanê xoverdayîşê Dêrsimî ra Seyîd Riza û panc rayberê eşîranê Dêrsimî 84 serî verê cu Meydanê Bugdayî yê Xarpêtî de ameyî îdamkerdene. Dewleta qirkere pê nayî zî qîm nêkerd bi hezaran kesî pê guleyan, bombayayn, kaşan ra wareştiş, vêşnayîş û axûkerdişî qetil kerdî. No qirkerdişo ke pê hedefgirewtişê nasnameyê kurd, elewî, kizilbaşî ame kerdene, darbê ci ewro hema dejenê. Ma wazenê ke cayê goranê Seyîd Riza û embazanê ci bêro eşkerakerdene.”

Bi nameyê FEDA Ewropa zî Demîr Çelîkî qisey kerd.Çelîkî vat: “Qirkedişo ke 84 serrî verê cu ame kerdene ewro pê destê faşîzmê AKP-MHPyî vera kurdan yeno domnayene. Hêrişê îşxalî û qirkerdişê ke ewro vera kurdan yenê kerdene pabesteyê Terteleyê Dêrsimî yê. Dewleta tirke ya ke sûcanê merdimîye de sînoran nas nêkena vizêr dejo ke Dêrsim de da ciwîyayene ewro wazena heme kurdan rê bidê ciwîyayene. Vera kurdan û Kurdîstanî gazê kîmyewîyî yenê şuxulnayene, şarê herême pêzor erdê ci ra yeno raqilnayene û polîtîkaya asîmîlasyonî yena rayraberdene. Ma vera polîtîkayanê asîmîlasyon û înkarî yê ke wazenê nasname, bawerî û ziwanê ma çîn bikerê, wayîrê ercanê xo vejîyenê û semedê pawitişê nasname, bawerî û ziwanê xo têkoşînî rê do dewam kenê.”

Aktîvîte bi deyîşan dewam kerde û bi vilakerdişê lokmayan qedîyaye. BERN

‘Tertelê Dêrsimî ewro vera heme Kurdîstanî yeno kerdene’

Seyîd Riza û embazê ci bajarê Langenthalî yê Swîsre de ameyî vîrardene. Aktîvîte de ame vatene ke Terteleyê Dêrsimî ewro zî dewam keno û vera hêrişan mesajê pîlkerdişê têkoşînî ameyî dayene.

Semedê vîrardişê Seyîd Riza û embazê ci yê ke Terteleyê Dêrsimî de ameyî qetilkerene bajarê Langenthalî yê Swîsre de aktîvîte ameye organîzekerdene. Aktîvîteya ke heta Federasyonê Elewîyan ê Demokratîkan (FEDA) ra Cemxaneyê Langthalî de ameye kerdene de şexsê Seyîd Riza û embazanê ci de semedê kesanê ke rayîrê heq û heqîqatî de dinyaya xo bedilnaye gulbang ame wendene.

Bi nameyê FEDA Alî Maturî ke aktîvîte de qisey kerd, nê vatî: ”Rayberanê xoverdayîşê Dêrsimî ra Seyîd Riza û panc rayberê eşîranê Dêrsimî 84 serî verê cu Meydanê Bugdayî yê Xarpêtî de ameyî îdamkerdene. Dewleta qirkere pê nayî zî qîm nêkerd bi hezaran kesî pê guleyan, bombayayn, kaşan ra wareştiş, vêşnayîş û axûkerdişî qetil kerdî. No qirkerdişo ke pê hedefgirewtişê nasnameyê kurd, elewî, kizilbaşî ame kerdene, darbê ci ewro hema dejenê. Ma wazenê ke cayê goranê Seyîd Riza û embazanê ci bêro eşkerakerdene.”

Bi nameyê FEDA Ewropa zî Demîr Çelîkî qisey kerd.Çelîkî vat: “Qirkedişo ke 84 serrî verê cu ame kerdene ewro pê destê faşîzmê AKP-MHPyî vera kurdan yeno domnayene. Hêrişê îşxalî û qirkerdişê ke ewro vera kurdan yenê kerdene pabesteyê Terteleyê Dêrsimî yê. Dewleta tirke ya ke sûcanê merdimîye de sînoran nas nêkena vizêr dejo ke Dêrsim de da ciwîyayene ewro wazena heme kurdan rê bidê ciwîyayene. Vera kurdan û Kurdîstanî gazê kîmyewîyî yenê şuxulnayene, şarê herême pêzor erdê ci ra yeno raqilnayene û polîtîkaya asîmîlasyonî yena rayraberdene. Ma vera polîtîkayanê asîmîlasyon û înkarî yê ke wazenê nasname, bawerî û ziwanê ma çîn bikerê, wayîrê ercanê xo vejîyenê û semedê pawitişê nasname, bawerî û ziwanê xo têkoşînî rê do dewam kenê.”

Aktîvîte bi deyîşan dewam kerde û bi vilakerdişê lokmayan qedîyaye. BERN