Rojnameya Heftane

Tiştanok (mamik)

Me dîsa ji we re çend tiştanok ango mamikên xweş amade kirine.

Em bi hêvî ne ku li gorî dilê we bin. Bi malbatî dîsa van mamikan ji hev bipirsin û tasekê ji kaniya da û dapîran, bav û bapîran vexwin.

Bêguman tiştanok bi gotina ‘mamê mino mamanî’ an jî bi ‘kî dizane ev çi ye?’ dest pê dike.

1- Mamê mino mamanî

Bê ling û bê pehnî

Ji xwe de diçe ser banî

2- Mamê mino mamanî

Dest û tilî çermanî

Xwe hildavêje zirçanî

3- Mamê mino mamanî

Hespê boz

Kire toz

Bersivên me ev in: 

1-Dû, dûman, dixan

2-Beq

3-Aş