spot_imgspot_imgspot_img
29 Mart, Cuma - 2024

Gösterilecek bir içerik yok

Vengdayîşê 25ê Teşrîna Peyêne Biciwîyo têkoşînê cinîyan

Vengdayîşê 25ê Teşrîna Peyêne Biciwîyo têkoşînê cinîyan

Cinî hadreyîya 25ê Teşrîna Peyêne kenê ke biherikê raşteyan. Cinîyan dîyar kerdê ke ê paweyê pêroyê cinîyanê ke raşteyan de pîya vera şîdetî de biqîrê û wina vatî: “Wa ena roje biba hewn ra weriştişê vera şîdetî. Biciwîyo têkoşînê cinîyan.”

25ê Teşrîna peyêne de mucadeleyê hîrê wayan ê bi nameyê Patria, Minerva û Maria Mirabelan ê vera Cumhurîyetê Domînîkî dest pêkerd. Wayanê Mirabelan vera hukmatê dîktatorî yê Rafael Leonidas Trujilloyî de sere wedaritî. 25ê Teşrîna Peyêna 1960î de wayê Mirabelî raştê tecawuzî ameyî û dima ra ameyî qetilkerdene. Hedîse sey qezayê trafîkî ame nawitene. Qetilkerdişê wayan ra dima hukmatê dîktatorîye yê Rafael Trujilloyî rijîya û  17ê Kanûna 1999î de Yewîya Miletan 25ê Teşrîna Peyêne sey Teşrîna Peyêne ya Roja Têkoşînê Vera Şîdetê Serê Cinîyan îlan kerd. Nizdîbîyayîşê serrgêra qetilkerdişê nê wayan de cinî hadreyîya 25ê Teşrîna Peyêne kenê ke biherikê raşteyan. Cinîyan dîyar kerdê ke ê paweyê pêroyê cinîyanê ke raşteyan de pîya biqîrê û vengê tewrbîyayîşî kerdî.

‘Cinî awankerdoxê komelî yî’

Sereka Komîsyonê Cinîyan ya Federasyonê Komelê Herêmî yê Kizilirmakî Ayten Gursoye qiseykerdişê xo de bale ante muhîmîya 25ê Teşrîna Peyêne ser û va: “Ma veng danê pêroyê cinîyan ke 25ê Teşrîna Peyêne de biherikîyê raşteyan. Cinî awankerdox û rayîrberê komelî yî. Wa cinî biherikî raşteyan ke nîşan bidî hêzê ma esto ke ma bedilnayîşan bikerî.”

‘Wa ewro roja rawuştene bo’

Salime Tarikçi dîyar kerde ke ê veng danî pêro cinî rawirzê û wina va: “Ma dinayayêke wişk, wehşî, wêranker, tecawuzkar de ciwîyenê. Ganî ma mîyanê paştdayîşî de bê. Paştdayîş merdimî dano ciwîyayîş. La ganî ma mîyanê paştdayîş de ganî ma rawuşte bê. Ganî hemverê şîdetî ma pîya bê. Ma sey tevgerê cinîyan xeylê çî kerdî. Ma şewe roje û kuçeyan waştî. Ma nêwaşt ma keye de bi tena sereyê xo bimanî. Keye, halînêko la ayenî wextî de tecrîd o. Eke ma tena bimanê, ma do tewr zêde bidejê. Teberê keyan de zî ciwîyayîş esto. Ma hem kuçeyan hem zî şewan wazenê.”

‘Wa biciwîyo têkoşînê cinîyan’

Endama Meclîsê Cinîyan ya Partîya Demokratîke ya Şaran (HDP) Lemane Kîraz zî dîyar kerd ke 60yin serrgera qetilkerdene Wayê Mîrabel de pêro cinî wareyan de yê û va: “Ma seba ke vajê şîdetê dewlete wa vindero, seba ke ma azadîya xo bidest bikerê, seba ke ma hemverê şîdet û bêkarî vinderê ma vanê wa pêro cinî vejîyê wareyan. Ma cinî pîya bi hêz ê. Biciwîyo têkoşînê cinîyan.” ANQARA

Vengdayîşê 25ê Teşrîna Peyêne Biciwîyo têkoşînê cinîyan

Vengdayîşê 25ê Teşrîna Peyêne Biciwîyo têkoşînê cinîyan

Cinî hadreyîya 25ê Teşrîna Peyêne kenê ke biherikê raşteyan. Cinîyan dîyar kerdê ke ê paweyê pêroyê cinîyanê ke raşteyan de pîya vera şîdetî de biqîrê û wina vatî: “Wa ena roje biba hewn ra weriştişê vera şîdetî. Biciwîyo têkoşînê cinîyan.”

25ê Teşrîna peyêne de mucadeleyê hîrê wayan ê bi nameyê Patria, Minerva û Maria Mirabelan ê vera Cumhurîyetê Domînîkî dest pêkerd. Wayanê Mirabelan vera hukmatê dîktatorî yê Rafael Leonidas Trujilloyî de sere wedaritî. 25ê Teşrîna Peyêna 1960î de wayê Mirabelî raştê tecawuzî ameyî û dima ra ameyî qetilkerdene. Hedîse sey qezayê trafîkî ame nawitene. Qetilkerdişê wayan ra dima hukmatê dîktatorîye yê Rafael Trujilloyî rijîya û  17ê Kanûna 1999î de Yewîya Miletan 25ê Teşrîna Peyêne sey Teşrîna Peyêne ya Roja Têkoşînê Vera Şîdetê Serê Cinîyan îlan kerd. Nizdîbîyayîşê serrgêra qetilkerdişê nê wayan de cinî hadreyîya 25ê Teşrîna Peyêne kenê ke biherikê raşteyan. Cinîyan dîyar kerdê ke ê paweyê pêroyê cinîyanê ke raşteyan de pîya biqîrê û vengê tewrbîyayîşî kerdî.

‘Cinî awankerdoxê komelî yî’

Sereka Komîsyonê Cinîyan ya Federasyonê Komelê Herêmî yê Kizilirmakî Ayten Gursoye qiseykerdişê xo de bale ante muhîmîya 25ê Teşrîna Peyêne ser û va: “Ma veng danê pêroyê cinîyan ke 25ê Teşrîna Peyêne de biherikîyê raşteyan. Cinî awankerdox û rayîrberê komelî yî. Wa cinî biherikî raşteyan ke nîşan bidî hêzê ma esto ke ma bedilnayîşan bikerî.”

‘Wa ewro roja rawuştene bo’

Salime Tarikçi dîyar kerde ke ê veng danî pêro cinî rawirzê û wina va: “Ma dinayayêke wişk, wehşî, wêranker, tecawuzkar de ciwîyenê. Ganî ma mîyanê paştdayîşî de bê. Paştdayîş merdimî dano ciwîyayîş. La ganî ma mîyanê paştdayîş de ganî ma rawuşte bê. Ganî hemverê şîdetî ma pîya bê. Ma sey tevgerê cinîyan xeylê çî kerdî. Ma şewe roje û kuçeyan waştî. Ma nêwaşt ma keye de bi tena sereyê xo bimanî. Keye, halînêko la ayenî wextî de tecrîd o. Eke ma tena bimanê, ma do tewr zêde bidejê. Teberê keyan de zî ciwîyayîş esto. Ma hem kuçeyan hem zî şewan wazenê.”

‘Wa biciwîyo têkoşînê cinîyan’

Endama Meclîsê Cinîyan ya Partîya Demokratîke ya Şaran (HDP) Lemane Kîraz zî dîyar kerd ke 60yin serrgera qetilkerdene Wayê Mîrabel de pêro cinî wareyan de yê û va: “Ma seba ke vajê şîdetê dewlete wa vindero, seba ke ma azadîya xo bidest bikerê, seba ke ma hemverê şîdet û bêkarî vinderê ma vanê wa pêro cinî vejîyê wareyan. Ma cinî pîya bi hêz ê. Biciwîyo têkoşînê cinîyan.” ANQARA