spot_imgspot_imgspot_img
28 Mart, Perşembe - 2024

Gösterilecek bir içerik yok

Wekîlê kurd û Iraqî Metîna de cigêrayîş kerd

Heyetê wekîlanê ke seba cigêrayîşê hêrişanê îşxalî yê dewleta tirke û serebûtê 5ê hezîrane şi Metîna pare kerd ke zerarêko pîl resayo herême û seba vindertişê operasyonî veng da.

5ê hezîrane de wesayîto zirxîn ê hêzanê PDKyî wexto ke resa waranê gerîlayan ê Metîna amebi teqnayene û PDKyî zî serebûtî ra Merkezê Çapemenîya Hêzê Pawitişê Şarî (HPG) mesuldar dî. HPGyî pê eşkerayîyêke da zanayene ke înan nêda wesayîtî ro û wa heyetêko xoser serebût cibigêro.

Eşkerayîye ra dima heyetêkê wekîlanê Herêma Kurdîstanî û Iraqî dewê Metîna zîyaret kerd û cigêrayîşî kerdî. Heyet de Serekê Komîsyonê Asayîşî û Pawitişî yê Iraqî, 7 wekîlê Parlamentoya Iraqî û Komîsyonanê Pêşmergeyan, Karanê Zereyî, Asayîşî, Zîretî û Weşîye ra 12 wekîlê Herêma Kurdîstanî estbî.

Heyetî cigêrayîşî ra dima eşkerayîye daye. Nameyê heyetî ser o Serekê Komîsyonê Karanê Pêşmergeyan Reving Hirorîyî eşkerayîye daye û pare kerd ke înan Walîyê Dihokî, rîsipîyanê Zaxoyî, herêmê Derkar û Batîfa, muxtar û roniştoxê herême zîyaret kerdî.

Hirorîyî ard ziwan ke hêrişanê dewleta tirke ra dima xeylêk dewî ameyî vengkerdene û vat: ”Merdimî neçare mendî ke şorê. Bax, baxçe, meywe, darî vêşayî. Kurdîstan de şerî zerarêko pîl viraşto. Serebûtî psîkolojîya merdiman zî xeripnenê. Ma herême de estbîyayîşê hêzêkê xerîbî nêwazenê. Ez pê bawer a ke pêro perrê Kurdîstanî zî na babete de hemfikr ê. Herkes sûc şermezar keno.”

Hirorîyî îfade kerd ke ê do raporê cigêrayîşî wextêkî ra pey do teslîmê Hukmatanê Herêma Kurdîstanî û Iraqî bikerê. Çime: Anf

Wekîlê kurd û Iraqî Metîna de cigêrayîş kerd

Heyetê wekîlanê ke seba cigêrayîşê hêrişanê îşxalî yê dewleta tirke û serebûtê 5ê hezîrane şi Metîna pare kerd ke zerarêko pîl resayo herême û seba vindertişê operasyonî veng da.

5ê hezîrane de wesayîto zirxîn ê hêzanê PDKyî wexto ke resa waranê gerîlayan ê Metîna amebi teqnayene û PDKyî zî serebûtî ra Merkezê Çapemenîya Hêzê Pawitişê Şarî (HPG) mesuldar dî. HPGyî pê eşkerayîyêke da zanayene ke înan nêda wesayîtî ro û wa heyetêko xoser serebût cibigêro.

Eşkerayîye ra dima heyetêkê wekîlanê Herêma Kurdîstanî û Iraqî dewê Metîna zîyaret kerd û cigêrayîşî kerdî. Heyet de Serekê Komîsyonê Asayîşî û Pawitişî yê Iraqî, 7 wekîlê Parlamentoya Iraqî û Komîsyonanê Pêşmergeyan, Karanê Zereyî, Asayîşî, Zîretî û Weşîye ra 12 wekîlê Herêma Kurdîstanî estbî.

Heyetî cigêrayîşî ra dima eşkerayîye daye. Nameyê heyetî ser o Serekê Komîsyonê Karanê Pêşmergeyan Reving Hirorîyî eşkerayîye daye û pare kerd ke înan Walîyê Dihokî, rîsipîyanê Zaxoyî, herêmê Derkar û Batîfa, muxtar û roniştoxê herême zîyaret kerdî.

Hirorîyî ard ziwan ke hêrişanê dewleta tirke ra dima xeylêk dewî ameyî vengkerdene û vat: ”Merdimî neçare mendî ke şorê. Bax, baxçe, meywe, darî vêşayî. Kurdîstan de şerî zerarêko pîl viraşto. Serebûtî psîkolojîya merdiman zî xeripnenê. Ma herême de estbîyayîşê hêzêkê xerîbî nêwazenê. Ez pê bawer a ke pêro perrê Kurdîstanî zî na babete de hemfikr ê. Herkes sûc şermezar keno.”

Hirorîyî îfade kerd ke ê do raporê cigêrayîşî wextêkî ra pey do teslîmê Hukmatanê Herêma Kurdîstanî û Iraqî bikerê. Çime: Anf