Rojnameya Heftane

Ken ji dev û lêvan hêvî ji çavan kêm nebûn

Ji derengmayîna min, ji xemsarî û sersariya min bihesibînin vê nivîsê. Bêguman ji heq nayêm der li ser binivîsim. Nazdar e êşa nivîsê, giran e derdê hevokê, cirnexweş in çêkirinên rêzikan li…

Velgê dare ruçikit kerd çuwalan

Hawtanê derbaz bîyayeyan de ma qalê Siltan Silemanî kerdbî. Tilya ey de ju gîştanêestbîyo hûrînda nêxşê gîştanî de morê ey bîyo. Cebraîlî no mor dayo Siltan Sileymanî. Saya nê morî ra dinya…

Xebatê bê netîceyî ma yewbînî ra fînê dûrî

Kamo

Bifikirîyê ke ziwan û kulturî ser yew organîzasyon, yew xebat eno kerdene û seba ke no xebat de ca bigîrê şima dawet kenê. Keso ke ziwan û kuturî ser eleqedar bo eşkeno vajo nê ez nêna yan zî eşkeno vajo nê no kar goreyê mi nîyo! Tam zî wina bî. Bi nameyê “tora ziman û çandan”(torê ziwan û kulturan) yew xebat ame ronayene û 300 ra zêde kesî beşdarê nê xebatî bîyî. Na humare zaf muhîm bîye û bi kelecanî û samîmîyet her meslege û het ra kesê ke wayîrê zanayîşî yê bi zerrîweşîye beşdarê xebatî bîyî û no derheq de munaqaşayî ameyî kerdene. Problemê ziwanî, kulturî tek bi tek masa ser o ameyî rafîstene û derheqê çareserîya nê probleman de di rojî 300 ra zêde kesan fikrê xo vatî. Kombîyayîşêk zaf baş bî û netîceyê xebatî de qerarê muhîmî ameyî girewtene. 28 kesan ra yew sekreterya ame ronayene.

Mabên ra 7 mengî (aşmî) derbaz bî.

- Advertisement -

Kesî (twîterî ser o çend dîmen û vîdeoyan ra zîyaderî) derheqê nê xebatî de qet çiyêk heşna gelo!?

Wexto ke xebatî dest pêkerd pêroyê çapemenîya Kurdî de ca girewt û ma pêro bîme kelecanî. Ma xeylê kesan va na dolime no kar do dewam bikero, la sey her xebatî na dolime zî ma vileyê xo kerd çewt. Sey her xebatê verênî no zî bi kombîyayîşî mend û bê netîce qedîya.

Organîzasyon, dezge û sazî awan kerdêne de kes qasê ma hewl nîyo. No babet de ma kedêde bêemsal danîme û bi zerrîûcan xebetînîme. No derheq de Kurdan ra baş kes çin o. La netîce!…netîce nêbo zî beno…

Heyf o, guna yo, handê merdim, handê zana û hunermendî bi yew vengdayîşî enê û qet îtîraz nêkenê. Merdim ganî qedrê naye bizano û kedê şarî, enerjîyê şarî, fikrê şarî, waştena şarî wina erzan xerc nêkero. Heqa kesî çin a ke bi no hewa hêvîyan bişikno. Heqa kesî çin a ke organîzasyonê handê muhîmî wina bikero betal û erzan. 7 mengan (aşman) ra dima no xebat, no organîzasyon qey (çira) ame viraştene, maneyê ci çi bî, ez naye ser fikirîyena, la cewab çin o. Heqa qet yew dezge, sazî û kesî çin a ke bi nameyê ziwan û kulturî xo tatmîn bikero û kedê beşdaran handê çine bikero.

Eke wina şoro meşte- bîro seba xebatanê muhîman şima nêeşkenê kesî xo het de bivînê.

Organîzasyonê winasîyî cidîyê û ganî merdim bi cidîyet ser vindero.

Qerarê ke ameyî girewtene se bî!? Çiqasê xo ameyî ca!?

300 kes bi beşdarbîyayîşê xo mend û her yew ancîya bi kuncikê xo û va ancîya nêbî…

Bi no hewa ma yewbînî ra dûrî kewenîme. Bi no hewa ziwan û kultur her ke şono talan beno.