Duşem, Tirmeh 26, 2021

Xoverdayoxê Zîndanî: Serkewtiş têna pê xoverdayîşî beno

Bi nameyê  tepişteyanê dewaya PKK û PAJKî  Denîz Kaya bi wesîleya serrgêra Xoverdayîşê Rojeyê Mergî yê 14ê Temmuze eşkerayîyêke daye.

Eşkerayîye wina ya:

”Serrgêra 39. ya Xoverdayîşê Zîndanan ê Rojeyê Mergî yê 14ê Temmuze de ke vera rejîmê faşîstî yê 12ê Êlule amebi kerdene, şexsê embazan Kemal Pîr, Hayrî Dûrmûş, Akîf Yilmaz û Alî Çîçek de ma pêro embazanê şehîdan yad kenê û sozê xo dibare ke do armancanê înan bîyarê ca.

39 serrî verî vera teslîmgirewtişî, bêîradeverdişî û îşkenceyê zîndanan Xoverdayîşê Zîndanan ê 14ê Temmuze de tarîxê xoverdayîşî nusîya û rayîr nêdîya tarîtîye. No xoverdayîş bi hêvîya şaranê Kurdîstan û Tirkîya. Rayberê ma, hêvîya ke xoverdayoxanê 14ê Temmuze afernaya vurnaye gandarbîyayîşê Hemleya 15ê Tebaxe. Faşîzmo ke planê averberdişê 12ê Êule kerdêne ewro mîyanê îqtîdarê faşîstî yê AKP-MHPyî de şenber bîyo. Xoverdayîşê 14ê Temmuze polîtîkaya înkar û qirkerdişî helînaye. Rayberîya Kemal Pîr, Hayrî Durmuş, Akîf Yilmaz û Alî Çîçekî de tarîxê Xoverdayîşî yê Zîndanan têkoşînê Kurdîstanî de cayê xo girewt. Erjê ke xoverdayîşê zîndanan afernayî mîyanê şarî de vila bîyî û vurîyayê serewedaritişê şarî.Bawerîya ke vat ‘Kerraya gorê mi ser o deyndar binusê’ hîşmendîya faşîste ya Esat Oktayî çin kerde. Hîşmendîya faşîste ya qirkere sey vizêrî ewro zî heman polîtîka ana ca.Tradîsyonê dewleta tirke pê qirkerdiş û çinkerdişî cewab dano şîyarbîyayîşê şarî. Dişmen zîndan de vera bawerîya serkewtişî bin kewt. Îxanet û teslîmbîyayîşî rê rayîr nêdîya.

Ewro sere de zîndanan de, pêro şarê ma rê teslîmkarîye yena ferzkerdene. Dişmeno ke pê Komployê Mîyanneteweyî Rayberê ma esîr kerd, bi hawayêkê nedîyayeî tecrîd ano ca. Dişmen wazeno şexsê Rayberê ma de şarê ma bêçare war verdo. Vera xoverdayîşê partîye û Rayberîye dewleta tirke îtîfaqanê gemarinan kena û seba şerê zereyî yê kurdan xîret kena.

Operasyonê îşxalî yê vera Rojawan û Başûrê Kurdîstanî wazeno şerê zereyî yê kurdan vejo. AKP-MHPyo faşîst rixmê hemkaranê xo do nêeşka raştîye bivurno û peynî de do hesab bido. PDK destê dişmenî de bîyo maşa û verê yewîya neteweyî de asteng o. PDK Protokolê 1982î çin hesibna, 1997 de serê gorê babîyê xo de soz da la pêvînayîşî ra agêra û Nêweşxaneyê Hewlêrî de qirkerdiş kerd. PDK eke têkilîya xo ya bi îşxalkeran rê dewam bikero do çin bibo. Ganî PDK cade na hîşmendîya xo ra fek vera bido.

Faşîzmê AKP-MHPyî her ke şino krîzê welatî pîl keno. Gelo heta key îqtîdar janê Korona xo rê bahane bikero? Raştîya a ya ke Têgêrayîşê Azadîye yê Kurdîstanî û Rayberîye aktorê tewr girîngî yê. Pê hemleya ‘Wext Wextê Azadîye yo’ şarî mojna ke ê do na raştîye pîl bikerê. Polîtîkayê se serrî verî ewro zî dewam kenê. Teslîmîyeto ke 29 serrî verî Zîndanê Amedî de ame ferzkerdene ewro zî hetê AKP-MHPyî ra zîndanan de yeno ferzkerdene. Zîndanan de tecrîd yeno caardene, pê kamerayan mahremîyet yeno şiknayene, pêvînayîşê keyeyan yenê goşdarîkerdene, tepişteyan rê cigêrayîşo rût yeno ferzkerdene, pê kerdişanê faşîzanan yeno waştene ke îradeyê tepişteyan bişikîyo.

Tepişteyê nêweşî mergî rê terikîyenê, zîndanan de huqûqê dişmenîye yeno kerdene. Embazê ma Huseyîn Îdîk 26 serrî zîndan de nêame tedawîkerdene û şehîd bi. Apê Dedoyo 83 serre 25 serrî yo zîndanan de nêweşîyanê giranan ra nêeşkeno erdî ra şoro la bi bahaneya ‘beno ke biremo’ vera nêdîyeno. Medyaya neteweyî dayîke Meryema 80 serre, nobeta Keyeyê Şenyaşarî, betalkerdişê Peymana Îstanbulî nêmojnena. No ters raştîya AKP-MHPyî ya faşîst a.

Partîya ma û bawerîya şarê ma, tewirê înan pêro polîtîkayanê gemarinan pûç kenê. Ruhê 14ê Temmuze rêxistinîye û qerardarîya partîye pîl keno û pê îradeyî serfîraz keno. Pê Darbeya 12ê Êlule xoverdayîşê embaze Sakîne Cansiz a kerda Rozaya Sûre. Bi hawayêkê geşî derbazbîyayîşê 8ê Adare  vîrameyîşê embaz Mazlûmî yo. Rixmê jan û qedexeyî bi hawayêkê geşî derbazbîyayîşê Newroza 2021î netîceya îradeyê Çaran o. Çalakîyê milîyanî, karakterê xoverdayîşî û raştîya PKKyî ruhê 14ê Temmuza 2021î yo. Grevê vêşanîye yo le 27ê teşrîna peyêne ya 2020î de dest pêkerd, heta ke tecrîdê vera Rayberîye wedarîyo û o azad bo do dewam bikero. 14ê Temmuza 2021î ra dima serrgêra Zoverdayîşê Rojeyê Mergî yê Pîlî de çalakîya ma ya 5 rojan do bivurîya 15 rojan.

Sere de xoverdayîşê Rayberê ma pêro embazanê xo yê ke zîndanan de xo ver danê selam kenê. Na roja ma ya rûmetî de ma Xoverdayîşê Zîndanî yê Pîlî yê 14ê Temmuze pê hûrmet û perwerî selam kenê. Ma sond wanenê ke têkoşînî geş bikerê, ma venga şarê xo, ê kesanê xo xo rê vanê merdimî û na cografyaya zulm û tecrîdî de ciwîyenê danê ke dormeyê têkoşînê heqdarî de kom bibê. Tek rayîrê serfîrazîye xoverdayîş o. Serkewtiş ê embaz û şaranê xoverdayoxan o.” Çime: Anf

Xoverdayoxê Zîndanî: Serkewtiş têna pê xoverdayîşî beno

Bi nameyê  tepişteyanê dewaya PKK û PAJKî  Denîz Kaya bi wesîleya serrgêra Xoverdayîşê Rojeyê Mergî yê 14ê Temmuze eşkerayîyêke daye.

Eşkerayîye wina ya:

”Serrgêra 39. ya Xoverdayîşê Zîndanan ê Rojeyê Mergî yê 14ê Temmuze de ke vera rejîmê faşîstî yê 12ê Êlule amebi kerdene, şexsê embazan Kemal Pîr, Hayrî Dûrmûş, Akîf Yilmaz û Alî Çîçek de ma pêro embazanê şehîdan yad kenê û sozê xo dibare ke do armancanê înan bîyarê ca.

39 serrî verî vera teslîmgirewtişî, bêîradeverdişî û îşkenceyê zîndanan Xoverdayîşê Zîndanan ê 14ê Temmuze de tarîxê xoverdayîşî nusîya û rayîr nêdîya tarîtîye. No xoverdayîş bi hêvîya şaranê Kurdîstan û Tirkîya. Rayberê ma, hêvîya ke xoverdayoxanê 14ê Temmuze afernaya vurnaye gandarbîyayîşê Hemleya 15ê Tebaxe. Faşîzmo ke planê averberdişê 12ê Êule kerdêne ewro mîyanê îqtîdarê faşîstî yê AKP-MHPyî de şenber bîyo. Xoverdayîşê 14ê Temmuze polîtîkaya înkar û qirkerdişî helînaye. Rayberîya Kemal Pîr, Hayrî Durmuş, Akîf Yilmaz û Alî Çîçekî de tarîxê Xoverdayîşî yê Zîndanan têkoşînê Kurdîstanî de cayê xo girewt. Erjê ke xoverdayîşê zîndanan afernayî mîyanê şarî de vila bîyî û vurîyayê serewedaritişê şarî.Bawerîya ke vat ‘Kerraya gorê mi ser o deyndar binusê’ hîşmendîya faşîste ya Esat Oktayî çin kerde. Hîşmendîya faşîste ya qirkere sey vizêrî ewro zî heman polîtîka ana ca.Tradîsyonê dewleta tirke pê qirkerdiş û çinkerdişî cewab dano şîyarbîyayîşê şarî. Dişmen zîndan de vera bawerîya serkewtişî bin kewt. Îxanet û teslîmbîyayîşî rê rayîr nêdîya.

Ewro sere de zîndanan de, pêro şarê ma rê teslîmkarîye yena ferzkerdene. Dişmeno ke pê Komployê Mîyanneteweyî Rayberê ma esîr kerd, bi hawayêkê nedîyayeî tecrîd ano ca. Dişmen wazeno şexsê Rayberê ma de şarê ma bêçare war verdo. Vera xoverdayîşê partîye û Rayberîye dewleta tirke îtîfaqanê gemarinan kena û seba şerê zereyî yê kurdan xîret kena.

Operasyonê îşxalî yê vera Rojawan û Başûrê Kurdîstanî wazeno şerê zereyî yê kurdan vejo. AKP-MHPyo faşîst rixmê hemkaranê xo do nêeşka raştîye bivurno û peynî de do hesab bido. PDK destê dişmenî de bîyo maşa û verê yewîya neteweyî de asteng o. PDK Protokolê 1982î çin hesibna, 1997 de serê gorê babîyê xo de soz da la pêvînayîşî ra agêra û Nêweşxaneyê Hewlêrî de qirkerdiş kerd. PDK eke têkilîya xo ya bi îşxalkeran rê dewam bikero do çin bibo. Ganî PDK cade na hîşmendîya xo ra fek vera bido.

Faşîzmê AKP-MHPyî her ke şino krîzê welatî pîl keno. Gelo heta key îqtîdar janê Korona xo rê bahane bikero? Raştîya a ya ke Têgêrayîşê Azadîye yê Kurdîstanî û Rayberîye aktorê tewr girîngî yê. Pê hemleya ‘Wext Wextê Azadîye yo’ şarî mojna ke ê do na raştîye pîl bikerê. Polîtîkayê se serrî verî ewro zî dewam kenê. Teslîmîyeto ke 29 serrî verî Zîndanê Amedî de ame ferzkerdene ewro zî hetê AKP-MHPyî ra zîndanan de yeno ferzkerdene. Zîndanan de tecrîd yeno caardene, pê kamerayan mahremîyet yeno şiknayene, pêvînayîşê keyeyan yenê goşdarîkerdene, tepişteyan rê cigêrayîşo rût yeno ferzkerdene, pê kerdişanê faşîzanan yeno waştene ke îradeyê tepişteyan bişikîyo.

Tepişteyê nêweşî mergî rê terikîyenê, zîndanan de huqûqê dişmenîye yeno kerdene. Embazê ma Huseyîn Îdîk 26 serrî zîndan de nêame tedawîkerdene û şehîd bi. Apê Dedoyo 83 serre 25 serrî yo zîndanan de nêweşîyanê giranan ra nêeşkeno erdî ra şoro la bi bahaneya ‘beno ke biremo’ vera nêdîyeno. Medyaya neteweyî dayîke Meryema 80 serre, nobeta Keyeyê Şenyaşarî, betalkerdişê Peymana Îstanbulî nêmojnena. No ters raştîya AKP-MHPyî ya faşîst a.

Partîya ma û bawerîya şarê ma, tewirê înan pêro polîtîkayanê gemarinan pûç kenê. Ruhê 14ê Temmuze rêxistinîye û qerardarîya partîye pîl keno û pê îradeyî serfîraz keno. Pê Darbeya 12ê Êlule xoverdayîşê embaze Sakîne Cansiz a kerda Rozaya Sûre. Bi hawayêkê geşî derbazbîyayîşê 8ê Adare  vîrameyîşê embaz Mazlûmî yo. Rixmê jan û qedexeyî bi hawayêkê geşî derbazbîyayîşê Newroza 2021î netîceya îradeyê Çaran o. Çalakîyê milîyanî, karakterê xoverdayîşî û raştîya PKKyî ruhê 14ê Temmuza 2021î yo. Grevê vêşanîye yo le 27ê teşrîna peyêne ya 2020î de dest pêkerd, heta ke tecrîdê vera Rayberîye wedarîyo û o azad bo do dewam bikero. 14ê Temmuza 2021î ra dima serrgêra Zoverdayîşê Rojeyê Mergî yê Pîlî de çalakîya ma ya 5 rojan do bivurîya 15 rojan.

Sere de xoverdayîşê Rayberê ma pêro embazanê xo yê ke zîndanan de xo ver danê selam kenê. Na roja ma ya rûmetî de ma Xoverdayîşê Zîndanî yê Pîlî yê 14ê Temmuze pê hûrmet û perwerî selam kenê. Ma sond wanenê ke têkoşînî geş bikerê, ma venga şarê xo, ê kesanê xo xo rê vanê merdimî û na cografyaya zulm û tecrîdî de ciwîyenê danê ke dormeyê têkoşînê heqdarî de kom bibê. Tek rayîrê serfîrazîye xoverdayîş o. Serkewtiş ê embaz û şaranê xoverdayoxan o.” Çime: Anf