Rojnameya Heftane

Bi pirtûka xwe civakê rakir ser pêyan

“Dilê min ji ber xemgîniya hovîtî û neheqiyên ku gelê min ji koleyan re reva dibîne, parçe dibe. Hin şevan dema li gel te radizam dayikên kole ku zarokên wan ji destê wan tê girtin difikirim…

Bîlançoya zilma li ser kurdan

Li Tirkiyeyê êrîşên ku ji hêla dewlet û nijadperestan ve li kurdan tên kirin, didomin. Hefteya borî ev êrîş derketin asteke bilind ku dilê kurdan dag kirin û qet nayên qebûlkirin. Di êrîşan…

Zextên li ser gel hatin rexnekirin

Koma Xebata Analîza Perîyodîk a Konseya Mafên Mirovan a Neteweyên Yekbûyî di çarçoveya lêkolîna karneya Tirkiyê ya mafên mirovan de, li Ofîsa Neteweyên Yekbûyî ya Cenevreyê panelek li dar xist. Di panelê de binpêkirina mafên mirovan a li Tirkiyeyê yek bi yek hat nirxandin.

Di panelê de bi taybetî rewşa girtiyan û girtiyên nexweş hat nîqaşkirin û daneyên Komeleya Mafên Mirovan hatin parvekirin. Li gorî daneyan li girtîgehan 458 jê giran bi giştî hezar û 334 girtiyên nexweş hene, di sala 2019’an de 40 girtiyan ji ber nexweşiyên giran jiyana xwe ji dest dane.

Her wiha zextên li ser rojnameger, nûnerên mafên mirovan, akademisyen, siyasetmedarên muxalif û hevşaredarên ku ji peywîrê hatine dûrxistin jî di panelê de hatin nîqaşkirin.

Mijara din a ku di panelê de hat nîqaşkirin jî bikaranîna çekên kîmyevî bû. Ji Înîsyatîfa Parastina Rojava bijîşk Abbas Mansoûra yê swîsreyî bal kişand ser vê mijarê û got ku di çileya 2020’an de têkildarî bikaranîna çekên kîmyevî ya dewleta tirk a li hemberî Rojava raporek weşandine. Mansoûra wiha axivî: “Parçeyên ji birîndaran hatine girtin di labaratûarên nexweşxaneyên Ewropayê de hatine lêkolînkirin. Di encama lêkolînan de derket holê ku çekên kîmyewî hatine bikaranîn û hatine tomarkirin. Divê tirkiye ji ber sûcên ku kirine di dadgehên navneteweyî de were darizandin.”

Nûnerên dewletan gotin ku Tirkiye gelek pêşniyarên berê li ber çavan negirtine û divê Tirkiye rêzê ji hiqûqa navneteweyî re bigire. CENEVRE