Şaredariya Bajarê Mezin a Amedê xebatên xwe yên di çarçoveya “Plana Stratejîk a salên 2025 û 2029’an de” dane destpêkirin didomîne. Xebat li 17 navçeyan bi gel, keya, rêxistinên sivîl ên civakî, saziyên cewaweriyê û avabûnan hate destpêkirin û dê xebat li pêşiya avahiyê xizmetê yê mezin berdewam bikin. Dê sibê bi dirûşma “Em plansaziya paşeroja xwe bi hev re dikin” rojên gel werin lidarxistin. Dê hevserok, endamên meclisê û rayedarên şaredariyê li vê derê guhdariya gel bikin û dê ji  bo biryaran bi gel re bişêwirin.

Hevserokan bang li gel kir

Di vê çarçoveyê de li pêşiya avahiyê şaredariyê 6 standên cuda hatin vekirin. Hevserok Serra Bûcak û Dogan Hatûn, endamên meclisê û kadroyên rêveberiyê dê wek çalak tev li xebatan bibin. Hevserok bang li gel kirin ku werin bila werin standan û derbarê paşeroja bajar de bibin xwedî gotin.

Standên li pêşiya şaredariyê tên avakirin dê di tevahiya hefteyê de vekirî bin û dê bi gel re anketên rû bi rû werin kirin.

Bi keyayan re hatibûn ba hev

Midûriyeta Şaxa Pêşxistina Stratejiyê ya Serokatiya Daîreya Xizmetên Aborî di çarçoveya Plana Stratejîk a salên 2025 û 2029’an de pêşniyarên gel hatibûn girtin. Di heman çarçoveyê de bi keyayan re jî civîn hatibû lidarxistin. Dê di rojên pêş de jî bi saziyên sivîl ên civakî (STO) re jî civîn werin lidarxistin û dê paşeroja bajar were plankirin.