Partiya Demokratîk a Gelan (HDP), piştî erdhejên bi pileyên 7,7 û 7,6 ên navenda Barzarcix a Mereşê, Navenda Koordînasyona Krîzê ava kir û hemû hêza xwe seferber kir. Navenda koordînasyonê, bi tevlibûna 3 hezar û 200 dilxwazan heta niha li Semsûr, Meletî, Mereş, Dîlok, Hatay, Amed û Rihayê 500 TIR’ên alîkariya muxtelîf, 500 kon, 370 tonên êzingan, 3 hezar û 420 sobe, 22 konên sehrayê, îstasyoneke şebekeyê ya mobîl û 860 wesayîtên ku bo mexdûrên erdhejê xizmetê dikin birin herêma erdhejê. Dilxwazên HDP’î bêyî ku guh bidin zivistan, berf, sir û seqemê, 24 saetan bênavber dixebitin.
