Li gundên Dûpîç, Xerabê Darik, Xirabê Rezê, Alaqamiş, Kîwex, Zêwik û Eynser ên navçeya Hezex a Şirnexê ji ber sedemek nayê zanîn agir bi zeviyan ket. Agir her ku digçe belav dibe. Rêxistina Partiya Wekhevî û Demokrasiyê ya Gelan (DEM Partî) a Hezexê, tîmên agirkujiyê yên Cizîr û Silopyayê û gundî mudaxeleyî şewata ku di saetên siharê de derketiye, dikin. Şewat li hin cihan hatiye kontrolkirin, lê ji ber mudaxeleyên ku tên kirin kêm dimînin, şewat belav dibe.

Gundê Xirabê Rezê yê li ser xeta sînor a Rojava ji ber herêmê mayinkirî ye nayê mudaxele kirin.