Li bajarê Xoy ê parêzgeha Ûrmiyeyê ya rojhilatê Kurdistanê, duh bi şev bi pîleya 5,9’an erdhejek pêk hat. Li gorî agahiyên ku ji aliyê Îranê ve hatin parvekirin, di erdhejê de herî kêm 3 kesan jiyana xwe ji dest daye û 580 kes jî birîndar bûn.
Waliyê Ûrmiyeyê Mihemed Sadiq Mutemdyan, der barê bîlançoya erdhejê de daxuyaniyek da û ragihand ku 42 birîndaran rakirine nexweşxaneyan û ji van birîndaran 6’an jê emeliyat kirine. Mutemdyan, da zanîn ku di erdhejê de xesar gihîştiye 70 gundî.
Hêjayî bibîrxistinê ye ku di meha çileyê de ev cara duduyan e ku li Xoyê erdhej çêdibe. Di encama erdheja ku di 21’ê çileyê de çêbûbû de xesar gihîştibû 3 hezar û 850 avahiyan û 13 dibistanan.
