Rêxistina Mafên Mirovan a Efrîn-Sûriyeyê ragihand ku îstixbarata dewleta tirk û çekdarên paramîlîter ên girêdayî wê şêniyê bi navê Nêçîrvan Mistefa Elî (37) yê ji bajarê Mabeta 22`yê Hezîranê ji pêşiya mala wî ya li taxa Mehmûdiye ya Efrînê revand.
Her wiha hêza girêdayî komên çekdar ya bi navê “Polîsên Leşkerî” ciwanê bi navê Ednan Namî (26) yê ji gundê Eyn Hecerê Mezin 13`ê Hezîranê revandiye û heta niha çarenûsa wî ne diyar e.
Rêxistinê destnîşan kir ku revandina şêniyan ji Efrînê didome ji bo ku malbatên wan şantaj bikin û li beramberî berdana wan fîdye bixwazin.
