Çewlîg de semedê şayîya Newroze ya ke 20ê adare de do bêro kerdene xebatî bi coşî yenê rayraberdene. Rêxistina HDPyî ya Çewlîgî semedê şayîya Newroze ya ke bajar de 20ê adare de do bêro kerdene xebatanê xo domnena.

Newroza azadîye û demokrasîyî ya ke emser bi şîarê ‘2Wext wextê serkewtişîy” yena fîrazkerdene Çewlîg de do 20ê adare, saete 10.00 de Warê Newroze (Kuçeyê Nêweşxaneyî, kişta DSÎ) de bêro kerdene. Wekîlê Partîya Demokratîke ya Şaran (HDP) Nîmetullah Erdogmuş do sey qiseykerdoxî tewrê şayîye bibo. Hunermendî Hîvda Goksel û Nurcane Degirmenci zî bi deyîranê xo do reng bidê şayîye.

Merkez, qeza û dewanê de xebatê Newroze bêmabên yenê kerdene. Endam û îdarekarê HDPyî kuçe-kuçe gêrenê û semedê tewrbîyayîşê şayîya Newroze vengê şarî danê. ÇEWLÎG