Polîsan di 23’yê nîsanê di çarçoveya lêpirsîna navenda wê Stenbol e de bi ser gelek malan de girtin û 9 xebatkarên Çapemeniya Azad binçav kirin. Ji rojnamegeran nûçegihanên Ajansa Mezopotamyayê (MA) Esra Solîn Dal û Mehmet Aslan û rojnameger Erdogan Alayûmat di 26’ê nîsanê de bi îdiaya “endamtiya rêxistinê” hatin girtin.
Rojnameger Dal ji roja hatiye girtin heta niha li Girtîgeha Jinan a Bakirkoyê di hucreya yekkesî ya 6 metrekareyan de tê ragirtin. Hat zanîn ku Dal ji bo derbasî qawîşê bibe daxwazname ji rêveberiya girtîgehê re şandine lê heta niha jî tu daxwaznameyên wê nehatine bersivandin.
