Tora Mafên Mirovan a Kurdistanê der barê bidarvekirina girtiyekî Kurd ê li girtîgeha dewleta Îranê de daxuyaniyek da.
Tora Mafên Mirovan a Kurdistanê diyar kir ku girtiyê Kurd ê bi navê Enwer Xizrî yê ji bajarê Mehabad a Rojhilatê Kurdistanê, piştî 14 sal di girtîgehê de ma duh ji aliyê dewleta Îranê ve hat darvekirin.
Di daxuyaniyê de hate gotin Enwer Xizrî bêyî ku ji berê de were agahdarkirin û hevdîtina dawî li gel malbata xwe de bike, li girtîgeha Kerec hat bidarvekirin.
Hat diyarkirin ku metirsiya bidarvekirinê li ser girtiyekî din ê Kurd ê bi navê Xesrew Beşaret heye û ew duh veguhastine hucreya yekkesî ya girtîgehê.
