Di hilbijartina 31’ê Adarê de li hemû navçeyan û Navenda Wanê DEM Partî bû partiya yekemîn û hemû şaredarî bi dest xist. Lê YSK’ê mafê şaredariyê neda Namzetê Hevşaredariya Bajarê Mezin ê Wanê Abdullah Zeydan. Li ser vê biryara YSK’ê gelê Wanê daket kolanan û serî hilda. Bi deh hezaran welatiyên Wanê li kolana Cumhuriyet û gelek kolanên nava bacêr çalakiyên girseyî li dar xist. Her çend polîsan bi bombeyên gazê û îsotê mudaxale kir jî gel hemû kuçe û kolan li nava hev xist û bi polîsan şer dikin. Li hemû kolanan dû bilind dibe û pevçûna di navbera welatiyan û polîsan de didome.
Serhildana deh hezaran a li kolana Cumhuriyet, Maraş, Milli Egemenlik û kolanên din didome.
