Rojnameger Mazlum Erencî, piştî tev li refên HGP’ê bû, di 29’ê Hezîrana 2011’an de li navçeya Çemîşgezek a Dêrsimê di şer de jiyana xwe ji dest da. Komek rojnameger ku di navde Hevserokên DFG’ê Dîcle Muftuoglu û Selman Çîçek, Nûnerê DÎSK-Basin Îş’ê Hakki Boltan û endamên malbatê jî hebûn, Rojnameger Mazlum Erencî li ser gora wî ya li Goristana Yenîkoyê bibîr anîn.
Di bernameya bîranînê de Hevseroka Komeleya Rojnamegeran a Dîcle Firatê (DFG) Dicle Muftuoglu, anî zima nku Erencî hej zarok bû tev li karwanê çapemeniya azad bû û wiha got: “Mazlum jî wekî generalên biçûk ên Apê Musa seknek çalak nîşan da. Rastî gelek zext û zor hat. Hat binçavkirin û girtin. Lê dest ji têkoşînê berneda. Têkoşîna xwe mezintir kir. Di rojnameya Azadiya Welat û Ajansa Nûçeyan a Dicleyê (DİHA) de xebatên xwe berdewam kirin. Bû rojnamegerê herî ciwan û dengê gelê kurd bi cîhanê re parve kir. Lê vê yekê ew têr nekir. Têkoşîna xwe bilind kir û bêtir ber bi azadiyê ve meşiya û piştre şehîd bû. Em careke din di şexsê wî de hemû şehîdên têkoşîna azadiyê bi bîr tînin û bejna xwe li ber têkoşina wan ditewînin.”
Rojnamegeran piştî axaftinan qurnefil danîn ser gorê û belav bûn.
