Navenda Ragihandin û Çapemeniyê ya HPG’ê têkildarî çalakiyên dawî agahiyên nû parve kir. Navenda Ragihandin û Çapemeniyê ya HPG’ê anî ziman ku gerîllayên HPG’ê bi minasebeta salvegera Berxwedana Rojiya Mirinê ya Mezin a 14’ê Tîrmehê çalakiyên mezin pêk anîne û got: “Em biryardariya xwe diyar dikin ku li ser şopa pêşengên me yên nemir bi heman ruhê fedaî û hişmendiya Apoyî têkoşîna xwe dewam bikin, di şexsê Şehîdên 14’ê Tîrmehê de şehîdên me hemûyan bi hurmet û minet bi bîr tînin.”
HPG’ê da zanîn ku wan li Girê Cûdî droneyek bi çekên ferdî xistine û di 10’ê Tîrmehê saet di 23:40’î de helîkoptereke bi tîpa Skorsky a artêşa tirk li Qada Berxwedanê ya Girê Bahar xistine xwarê.
