Li gorî SOHR`ê, Îsraîlê 2 mezre li nêzî herêma Seyda Zeyneb bombebaran kirin. Her wiha pergala parastina hewayî ya hikumeta Şamê hewl da êrîşê bişikîne lê bi ser neket û fûze li hedefan ketin.
Ajansa nûçeyan Tesnîm a Îranê jî ragihand ku “Îsraîlê êrişî navendeke şêwira leşkerî ya Îranê ya li Sûriyeyê kiriye.”
Çavkaniyeke leşkerî ya hikumeta Şamê jî ragihand ku saet derdora 13:00`an, Îsraîlê ji Colanê êrişî başûrê Şamê kiriye, li gorî heman çavkaniyê di encama êrişê de kuştî û birîndar hene û zirarên madî çêbûne.
