Îzzettîn Sevîlgen di 14’ê hez3irana 1992’yan de li navçeya Dihê ya Sêrtê ji aliyê Dadgeha Ewlekariyê ya Dewletê (DGM) ve bi îdiaya “endamtiya rêxistinê” û “xerakirina yekitî û tevpariya dewletê” cezayê muebedê lê hatibû birîn. Sevîlgen di 15’ê hezîrana 1992’yan de cezayê xwe xelas kir. Lê belê berdana wî bi hinceta “lêferzkirina poşmantiyê” bi 3 meha, bi 4 mehan, bi 5 mehan û bi 6 mehan hatibû taloqkirin. Sevîlgen ê ku “lêferzkirina poşmantiyê” red kir duh bi şev ji Girtîgeha Gîresûnê ya Tîpa E’yê hat berdan.
Sevîlgen îro li Sêrtê bi girseyî hat pêşwazîkirin. Sevîlgen di şahiya pêşwaziyê de axivî û got: “Hevalên me yên li girtîgehan li ber xwe didin. Silavên wan hemûyan li we hene. Hêviya me ew e ku hemû heval bên berdan. Hûn hemû bi ser çavê min re hatine.”
Piştî axaftina Sevîlgen dengê çepikan û tîlîliyan olan da û kevok hatin firandin.
Li 7 girtîgehan geriya
Sevîlgen dem adi 15’ê hezîrana 1992’yan de tê binçavkirin, 40 rojan di binçavan de tê hiştin û paşê ji aliyê DGM’a Amedê ve tê girtin. Heta niha li girtîgehên bajarên Sêrt, Amasya, Îzmîr, Şirnex, Wan, Erzirom û Gîresûnê maye.
