Nuştox Welat Vartan wina nuseno: “Çekuya dua erebkî ra yena û yena manaya ‘veng dayene, waştene, ardim waştene’. Şarê kurdî zî sey miletanê bînan seba Homayî, pêxamberan, Xizir û ewlîyan, pîr û rayberan, zîyar û dîyaran, ko û daran û mirad û çîyanê rindan duayan waneno. Ma nika cêr de bi nimûneyan, bi şeklêko alfabetîk duayanê zazakî/kirdkî bivînê:
-A-
Alî wayîr bo.
Alî yar bo, Xizir dost bo.
Asparê Heqî to de bo.
-B-
Bê lome bo.
Bi xêr şo bi xêr bê.
-C-
Cayê to cenet bo.
Cayê to wa gul û gulîstan bo.
Cedê Sey Nesemî to de yardim kero.
Ci rê kulî dua û gulbang ke Heqo.
-Ç-
Çi miradê to est o, Heq bido.
Çuyê to tim çuya ser ro bo.
-D-
Dem be, dewran be, îqbal be, suhud be.
Derdê cîgere nêvîne.
Destê Xizirî destê to bo.
Duzgin Baba yardim kero.
-E-
Elî Şahê Merda can şima de nêdejno.
Elî Şahê Merda wa yar bo.
Emrê to derg bo.
-F-
Feqîr-fuqarî rê wayîr be.
-G-
Gir to de bo.
Girê Boxayî murad bivejîno.
Girê Boxayî yardimcîyê şima bo.
Goşkar Baba to de yardimcî bo.
-H-
Heq qeda durî bero.
Heq merdena xêre bido.
Heq miradê to bikero.
Heq risko bêxêrî dûrî bero.
Heq to ra razî bo.
Heq to rê verdo.
Heq bela û qezayê to mi rê bîyaro.
Heq bextê to yakero.
Heq biradê to bikero.
Heq canê weşî bido şima.
Heq dewleta xêre bido to.
Heq emrê to derg kero.
Heq emrê dergî bido to.
Heq ewladê xêrî bido.
Heq feqîr û fuqarî ortê de nêverdo.
Heq hem nazir hem hazir bo şima rê.
Heq her zeman to de yar bo.
Heq hevalê şima bo.
Heq îşê to raşt bîyaro.
Heq juyade şithelale raşte to bîyaro.
Heq karîna domana to rê mîyaro.
Heq keder medo to.
Heq kesî mekero ocaxkor.
Heq ma û pîyê to kal kero.
Heq merdena xêre bido.
Heq miradê to bi zerya to bikero.
Heq miradê to bido.
Heq niheqa to ra dûrî bero.
Heq ninga to kemere nêverdo.
Heq oxursiza yaxê şima mekero.
Heq qijîna domana to rê mîyaro.
Heq rama xo piro kero.
Heq risqê to zêde kero.
Heq risqê xêrî bido to.
Heq roja sipîye bidone.
Heq sata weşe to do.
Heq şima tenge de nêverdo.
Heq teala xêrê xo bidero şima.
Heq tenge bi şima nido.
Heq to bikero zengîn.
Heq to dar de meverdo.
Heq to de bo.
Heq to pîr û kal kero.
Heq to qeza-bela ra bisevekno.
Heq to ra razî bo.
Heq to verdo.
Heq to wayîrê malê giran kero.
Heq to wayîrê roja sipîye kero.
Heq û teala şima rê çêverê xêrî yakero.
Heq xêrê xo bidero.
Heq xirabîye şima ra dûr bero.
Hezretê Xizir sîyo sitarê sere to bo.
Hînîyê Xizirî murad vejîno.
-Î-
Îmdadê ma de bireso asparê Gola Serde.
-K-
Kalo Sipe yardimcîyê şima bo.
-L-
Linga to cara nêverdîyo kemere.
-M-
Mihemed, qusir to ra dûrî bero.
-O-
Oxirê to açix bo
Oxirê xêr bo.
-P-
Pîrê ma Sey Nesêmî to de bo.
Pîrê mi Sey Nesîmî ma rê wayîrîye bike.
Pîrê Ulu Dîwanî cara kesî rê xirabîye nîyaro.
-Q-
Qeda, qusirê to awe de şoro.
Qida û belayê to mi rê bêro.
-R-
Roja tenge ma memusne.
-Ş-
Şahê Merda ma bêwayîr meverdo.
Şahê Merda canweşîye bido şima.
Şahê Merda emrê dergî bido to.
Şahê Merda sata weşe bido to.
Şahê Şehîda wa şima cêra nikero.
Şar muxtacê to bo, to muxtacê şarî mebene.
Şehîdê Dîyarî kesî muxtacê kesî mekero.
Şima canê xo ra xêr bivîne.
Şima cara tengê nêvînê.
Şima emegê xo ra xêr bivînê.
Şima şonê kotî ninga şima kemere ra nêverdîyo.
Şonê kotî destê şima destê Xizîrî de bo.
-S-
Sultan Baba canweşîye bido şima.
-T-
Tenga to mi rê bêro.
Ti dem kerê, dewran kerê, wayîrê ewlad kerê.
Ti dem û dewran benî/a.
Ti derd mevîne.
Tim weş û war be.
Ti muxtacê dişmenî nêbe.
Ti muxtacê her-kutika nêbe.
Ti şona kotî Heq to wayîrê roja sipîye kero.
Ti tasa xo mecêre, meşore çêverê kesî.
-V-
Verê destan de nêmane.
-W-
Wa sitarê Hezretê Xizirî serê to bo.
Wayîrê emrê dergî kero.
Wayîrê lajanê zafan, çênanê şenikan kero.
Wayîrê to Xizir bo.
-X-
Xas û gerçegî, elî û ewlîyayê Heqî, zîyar û dîyarê Heqî hevalê şima bê.
Xizir bereketê xo emrê şima kero.
Xizir bextê xêrî to rê yakero.
Xizir çerqê şima raşt kero.
Xizir çêver ra nêkero.
Xizir dem û dewran bido şima.
Xizir dem û dewran kero.
Xizir derd-keder nêdero.
Xizir domananê to, to rê verdo.
Xizir emrê dergî bido şima.
Xizir îşê şima bîyaro were.
Xizir îşê şima raşt bîyaro.
Xizir roj û tîje ci done.
Xizir roja sîyaye medo şima.
Xizir roja tenge memusno kesî.
Xizir sata weşe bido şima.
Xizir sata weşe ci do.
Xizir şima ser o bicêro.
Xizir sitar û qutarê serê to bone.
Xizir sura serde to serde nîyaro.
Xizir! tenga ma de birese.
Xizir tenge bi ci nêde ro.
Xizir to de bo.
Xizir to de yar bo.
Xizir to rê wayîr bo.
Xizir wara nêdone.
Xizir yardimcîyê şima bo.
Xizir, Elî Şahê Merdan canê şima nidejno.
Xiziro Kal destê to bicêro, şima cêra nêkero.
Xiziro Kal to de bo.
Xiziro Kal yardimcîyê şima bo.
-Y-
Ya Goşkar Baba! ti tenge de meverde.
Ya wayîrê çewres asparî! ma tenge de meverde.
Ya Xizirê kelek û gemîyan! ma tenge de meverde.
Ya Xizirê sata tenge! ti est a.
Ya Xizirê serê gelek û gemîyan! ti xîrabîye ma ra dûr fîye.
-Z-
Zîyar û dîyarî to de bê.”
