Li Herêma Şîwesûr ya Kerkûkê şahiya pîrozbahiya Newrozê bi coşek mezin pêk hat. Bi sedan kesên tevlî pîrozbahiyê bûn, bê navber dirûşmeya ‘Bijî Serok Apo’ qêriyan. Piştî pîrozbahiya Newroza Qendîlê, li Kerkûkê jî şahiya pîrozbahiyê bi coşek mezin pêk hat. Pîrozbahî bi dirûşmeya “Em Newroza îsal bikin Newroza raperîn, dijî gendelî ne wekheviyê’ pêk hat. Ji her çar parçeyên Kurdistanê bi sedan kes tev li pîrozbahiyê bûn.
Li qada pîrozbahiyê wêneyê Rêberê PKK’ê Abdullah Ocalan, kesên di têkoşîna azadiyê de jiyana xwe ji dest dane alên RJAK û rengên kesk, sor û zer hatin hildan. Piştî deqeyek rêzgirtinê agirê Newrozê ji aliyê malbatên şehîdan ve hate dadan. Li qadê bê navber dirûşmên ‘Bijî Serok Apo’, ‘Newroz pîroz be’ hatin qîrin.
