Di çarçoveya lêpirsîneke ku ji aliyê Serdozgeriya Komarê ya Mersînê ve hatiye destpêkirin de polîsan li Mersînê bi ser gelek malan de girt. Hat hînbûn ku lêpirsîn bi hinceta ku di pîrozbahiyên Newrozan de “propagandaya rêxistinê” kirine û di amadekariya çalakiyê de ne hatiye destpêkirin û der barê 11 kesan de biryara binçavkirinê hatiye dayîn.

Di serdegirtina malan de polîsan lêgerîne pêk aniye û kesên bi navê Şiyar Ogûz, Mûhammet Tûtmaz û 9 kesên ku navê wan nehatin hînkirin binçav kirin. Polîsan kesên ku binçav kirine bi xwe re birin Miduriyeta Polîsan a Mêrsînê.