Endamanê Meclîsê Ciwanan ê DEM Partî qala tecrîd û grevê vêşanîye kerd û wina vat: “Ewro ma pêro binê tecrîdî de yê. Ganî tecrîdê Îmraliyî wedarîyo.”

Endamanê Meclîsê Ciwanan ê DEM Partî qala tecrîd û grevê vêşanîye kerd û dîyar kerd ke ganî vera nînan rêxistinbîyayîşêko xurt bêro kerdene.

Endama Meclîsê Ciwanan û wendekara zanîngehî Sozdar Aydine ard ziwan ke tecrîd ewro vera her kesî yeno kerdene û vat: “Eke tecrîd biqedîyo aştîye do bêra welatî. Rayîrê aştî û edaletî Îmrali de yo. Herême de vera ciwanan polîtîkayê şerê taybetî yenê kerdene. Sey ciwanan ma wazenê ke tecrîd biqedo û Îmrali de pêvînayîşî dest pêbikerê. Ewro ma eşkenê bi têkoşîn û xoverdayîşêkê hemparî tecrîdî bişiknê. Ganî waştişê aştîye yê dadîyan bieşnawîyo û waştişê tepişteyanê grevî wa bêrê caardene.”

Endamê Meclîsê Ciwanan û wendekarê huqûqî Bager Merwanî vat: “Tecrîd sûc o. Ma sey ciwanan nê tecrîdî qebul nêkenê û ganî ma vera tecrîdî xo rêxistin bikerê. Ganî çew verê huqûqî nêgêro. Ciwanî bi narkotîkan yenê hîpnozekerdene û komelî ra dûrî visîyenê. Vera ney ma rê rêxistinkerdişê xo ra ber rayîrêk çin o. Ganî ma vera tecrîdî û polîtîkayanê şerê taybetî hîna zaf vengê xo vejê. Ganî ma bibê vengê tepişteyanê grevê vêşanîye.”