Qoricîyê bi nameyê Faîk Duralo ke qezaya Payîzava ya Wanî de domana 16 serre rê tecawuz kerdbi û di mengî verî tepişîyabi vera dîya.
Taxa Repetîkî ya qezaya Payîzava ya Wanî de qoricîyê bi nameyê Faîk Duralî 23ê kanûna 2021î de domana 16 serre rê tecawuz kerdbî. Dima ke keyeyê domane gerreyê Duralî kerdbi, Dural tepişîyabi.
Merdimanê Duralî zî domane û keyeyê ci rê teda kerdbi ke gerreyê xo apey bigêrê. Tedayan ra keyeyî gerreyê xo apey ant.
Hewteyêk verî Dural vera dîya. Ame parekerdene de ey mehkeme de soz dayo ke do kêna reyde bizewijo coka vera dîyayo. Dîya zanayene ke Dural seba ke domane de bizewijo keyeyî rê teda keno.
Dewa Bozyîgîtî ya Payîzava de zî qoricî Zîya Karakoçî tecawuzê vera cinîyan ra tepişîyabi. WAN
