Avûkatê Abdulkadîr Kudayo ke Merkezê Metrîsî de tepişîyeno, waşt ke cezaya Kudayî çarçewa efûya Serekkomarîye de bêra kêmkerdene yan zî înfazê ci bi temamî bêro betalkerdene.
Muracat de dîya zanayene ke Kuday nêeşkeno teyna zîndan de îhtîyacanê xo peyda bikero û cuya ci binê tehlukeyî de ya.
Goreyê raporê Nêweşxaneyê Şaristanî yê Dr. Îsmaîl Fehmî Cumaliogluyî zî Kuday ganî zîndan de nêtepişîyo.
Rixmê raporê Dezgehê Tipê Edlîyî zî Kuday vera nêdîyabî.
Muracatê avûkatan de ame vatene ke heqê cuya Kudayî yeno binpaykerdene û ganî Kuday cade vera bidîyo.
