Qezaya Pirsûsî ya Riha de 14ê hezîrana 2018î de pawitox û merdimanê parlamenterê AKPyî yê verênî Halîl Îbrahîm Yildizî keyeyê Şenyaşaran ra hîrê kesî qetil kerdbî.
Dayîke Emîne Şenyaşare, lajê aye û Parlamenterê DEM Partî yê Riha Ferît Şenyaşarî têkoşînê xo yê edaletî kirişt verê Serekîya Meclîsî. Çalakîya Nobeta Edaletî ra ver keyeyî meclîs de kombîyayîşê çapemenîye kerd.
Emîne Şenyaşare tîya de vist vîrî ke ê 6 serrî yo têkoşînê edaletî kenê û vat: ”Ele hewce bibo ez do meclîs de ra bikewa. La ez vera zulmî çalakîya xo rê dewam bikera. Lajê min o bêgune heps de yo û do amelîyat bibo. Ez wazena amelîyatî ra ver ey bivîna.”
Ferît Şenyaşarî zî bale ante ser ke ganî vera bêedaletîye têkoşînêko hempar bêro kerdene û wina dewam kerd: ”Dadîya mi bi serran o edaletî wazena.”
Dima keyeyî verê meclîsî de pankarta ‘Seba keyeyê Şenyaşaran û her kesî edalet’ akerde û dest pê nobete kerd.
Ferît Şenyaşarî tîya de ard ziwan ke terefê dewaya nê qirkerdişî ra yew zî Erdogan, Walîyê Riha yo verên Abdullah Erîn o. Şenyaşarî waşt ke wa nînan de pêvînayîş bêro kerdene û waştişê nînan ê edaletî bêro caardene.
