Tepişteyo nêweş Îsmaîl Tanboga wedarîya Nêweşxaneyê Unîversîteya Dîcle.
Nêweşîya Tanbogayî bi temamî nêameye teşhîskerdene. Tanboga teyna eşkeno werdê dergûşan biwero.
Dîya zanayene ke Tanboga 15 rojî verî seba ke rewşa ci bîya giranêre, wedarîyayo Nêweşxaneyê Unîversîteya Dîcle. Ame parekerdene ke hewteyêkî ra dima xebera sewqê nêweşxaneyî dîyaya keyeyê ey.
Dadîya Tanbogayî Qumrîye Tanboga dîyar kerd ke destûr nêdîyeno ke a lajê xo bivîna û venga pêro kesan da ke derheqê babete de hîsger bibê.
Tanbogayo ke Zîndanê Amedî de tepişîyeno, lîsteya tepişteyanê nêweşan ê giranan a ÎHDyî de yo.
