Vervatoxê Merkezê Koordînasyon û Teqîbê Weçînayîşan ê HDPyî Mehmet Ruştu Tîryakîyî vat ke Colemêrg û Erzirom de kayê AKP-MHPyî qewimîyenê û wina qisey kerd: “Ma tedbîrê xo girewtî. Ma do nêverdê ke çew rayanê ma bidizno.”

Qiseykerdişê Tîryakîyî ra tay noqtayê girîngî wina yê:

“Ma Colemêrg de 3 parlamenterîyî zî girewtî la naye ser o tay îtîrazî est ê. Xora her kes eşkeno îtîraz bikero, la Colemêrg de çîyo xerîb est o. Namzedê AKPyî yê Colemêrgî pê çimeyanê qeymeqam, walî û îdarekaranê dewlete kenê ke rayanê ma, destî ra bigêrê. Ma Walîyê Colemêrgî hişyar kenê ke şima serekê AKPyî nîyê, coka wina têmegêrê.

Erzirom de zî goreyê doneyanê YSKyî Meral Daniş Beştaşe sey parlamantere ameya weçînayene. La MHP û mutefîqanê Îtîfaqê Miletî ra yew kenê ke netîceyanê weçînayîşî bivurnê. Ma tedbîrê xo girewtî. Ma do nêverdê ke çew rayanê ma bidizno.

Tay cayan de rayê ma sîstemî rê nêameyê qeydkerdene, nika ma nînan teqîb kenê û qeyd kenê. Mîsal qezaya Bismilî ya Amedî de çîyo winayên qewimîyayo û rayê ma MHPyî rê nusîyayê. Ma vera ney îtîraz kerd. Sere de Erzirom û Colemêrg ma qet yew ca de nêverdê ke rayî bidizîyê. Ma heta peynî xo ver danê.”