Konseya Merkezî ya Yewîya Tabîbanê Tirkan (TTB) destbendkerdişê Sereka TTByî Şebnem Korur Fîncanciye şermezar kerd û wina vat: “Fîncanciye teyna nîya û a rûmeta ma ya!”

Sereka Konseya Merkezî ya Yewîyanê Tabîbanê Tirkan (TTB) Şebnem Korur Fîncanciye seba ke derheqê şuxilîyayîşê çekanê kîmyewîyan ê dewleta tirke de qisey kerd sey hedefî amebî mojnayene. Fîncanciye ewro çarçewa cipersayîşê ”propagandaya rêxistine” yê Serdozgerîya Komere ya Anqara de Stenbol de keyeyê ci de ameye destbendkerdene.

TTByî derheqê destbendkerdişî de eşkerayîyêke daye û nêrazîbîyayîşê xo mojna.

Eşkerayîye de wina ame vatene: “Yew bingeyê nê destbendkerdişî û tehqîqatî çin o. Çike seke sereka ma vatbi îfadeyê aye unsurê sucî nîyê. TTB pêro nîqaşî çarçewa azadîya îfadeyan de ercneno. Ma do hedefmojnayîş û binpaykerdişanê vera Sereka ma Şebnem Korur Fîncanciye qetî qebul mekerê. Ganî a cade bêra veradayene. Ma do vera kerdişanê neheqan ê îqtîdarî bi wayîrvejîyayîşê Şebnem Korur Fîncanciye û TTByî  pawitişê demokrasî, aştî, xoserîya zanistî, azadîya fikrî ya zanyaran û pawitişê weşîya şarî rê dewam bikerê. Şebnem Korur Fîncanciye teyna nîya û a rûmeta ma ya!”