Xoresan de endamê AKPyî Kenan Kaya herinda cinîyêke de raye eşte û muşahîdê Partîya Çep a Keske rê heqaret kerd.
Badê weçînayîşo ke ame kerdiş bêhuqûqîyê ke ameyî kerdiş zî yew bi yew vejîyenê raşte. Bêhuqûqîyêke newe vejîye raşte û qezaya Xoresanî ya Erziromî de hedîse qewimîya.
Goreyê malumatanê ke ameyî girewtiş; taxa Adnan Menderesî de Mektebê Mîyanênî yê Mumtaz Turanî de sindoqê bi humara 1004î de endamê AKPyî Kenan Kaya herinda cinîyêke de raye eşte.
Îtîrazo ke hetê partîyanê bînîyan ra ame kerdene, bênetîce mend. Eynî wextî de ame zanayîş ke kesêkê AKPyijî muşahîdê Partîya Çep a Keske rê heqaret kerdo û muşahîd tehdît kerdo.
