Tepişteyanê Zîndanê Patnosî seba ke binpaykerdişê heqanê merdiman protesto bikerê dest pê grevê vêşanîye kerd.

Zîndanê Patnosî de gardîyanan seba ke 3 tepişteyan payan ser hûmaritiş red kerd hêrişê înan kerd. Bedenanê tepişteyanê ke hetê gardîyayan ra ameyî derbkerdene de şikite û rêçê derban estê.

Tepişteyan vera binpaykerdişê heqanê xo û nê hêrişî bi doranê 5 rojan dest pê grevê vêşanîye kerd.

Şubeyê Wanî yê Komela Huqûqnasan a Seba Azadîye (OHD) hesabê xo yê medyaya dîjîtale de mesajêkî reyde agahîya grevî daye û vat: ”Zîyaretê ma yê Zîndanê Patnosî de dîya zanayene ke 3 tepişteyan seba ke payan ser hûmaritiş red kerd raştê hêrişê gardîyanan ameyê. Bedenanê înan de şikite û rêçê derban estê. Tepişteyan naye ser o grevê vêşanîye dayo destpêkerdene. Ma derheqê nê serebûtî de raporê xo yê hîrayî dima rayaumûmîye reyde vila bikerê. Ma babete teqîb kenê.”