Odaya Tabîban a Stenbolî Keyeyê Şenyaşarî rê dîyarîya demokrasî, aştîye û heqanê merdiman kena.

Emîne Şenyaşara ke mêrde û di lajê ci hetê merdimanê parlamenterê AKPyî Îbrahîm Halîl Yildizî ra kişîyayî, lajê xo Ferît Şenyaşarî reyde 441 rojî yo nobeta edaletî kena.

Keyeyê Şenyaşarî ewro do şoro Stenbol û tewrê merasîmê ‘Dîyarîyanê Demokrasî, Aştîye û Heqanê Merdiman ê Dr. Sevîn Ozgunere yê Odaya Tabîban bibo. Merasîm de Dîyarîya Demokrasî, Aştîye û Heqanê Merdiman’ do bêra dayene Keyeyê Şenyaşarî.

Keyeyî ewro hesabanê xo yê medyaya dîjîtale de no mesaj vila kerd: “Ma ewro seba ke tewrê merasîmê Odaya Tabîban bibê. Heta ke edalet bêro ma her ca de vajê ke Keyeyê Şenyaşarî rê edalet, her kesî rê edalet.”