Li ser vê rêya dijwar
Min jî kire pir hewar
Da ji bo we jî rojekê
Dinya bibe gulbahar
Nûrî Dêrsimî ku bi vê çarika xwe û pêşengiya xwe tê nasîn 48 sal berê xatir xwest. Lê nav û dengê wî hêj di nava civaka kurd de hêj zindî û geş e.
Dr. Nûrî Dêrsimî di sala 1894’an de li gundê Axzûnîk ê girêdayî Dêrsimê ji dayik bû. Bavê wî Îbrahîm e û dayîka wî Zelîxa ye. Girêdayî eşîra Miliyan e. Dêrsimî ji ciwantiya xwe ve beşdarî nava kar û xebatên siyasî bû û Yekitiya Xwendekarên Kurdistanê li rex hin hevrêyên xwe yên dibistana amadeyî ava kir. Dr. Nûrî Dêrsimî di sala 1973’yan de li Efrînê jiyana xwe ji dest da û di sala 1994’an de jî hevjîna wî Ferîde jiyana xwe ji dest da. Cenazeyê Dr. Nûrî Dêrsimî û hevjîna wî li Goristana Henan a navçeya Şera spartibûn axê. Dr. Nûrî Dêrsimî di salên 40’î de ji ber polîtîkayên hikumeta Tirkiyeyê neçar mabû ji Tirkiyeyê koçber bibe û li bajarê Helebê bi cih dibe. Lê dema jiyana xwe ji dest da û li Efrînê spartin axê ew di gora wî de jî rehet bernedan.
Endamên DAIŞ’ê li Goristana Henan a navçeya Şera ya Efrînê gora Nûrî Dêrsimî û hevjîna wî û gelek kesayetên welatparêz ji hestiyên wan vala kirin.
Yek ji kevntirîn goristanên li herêma Efrînê Goristana Henan e û li vir gelek kesayetên welatparêz, bawermend û kesayetên dîrokî yên kurd hatine definkirin.
