Şeva înê bi pîleya 6.8’an li Fasê erdhejeke mezin pêk hat. Bîlançoya erdhejê her ku diçe girantir dibe. Wezareta Karên Hundir a Fasê, ragihand ku ji ber erdhejê herî kêm 2 hezar û 12 kesî jiyana xwe ji dest daye û hezar û 404 kes jî birîndar bûne.
Erdhejê bandoreke giran li herêma Marakeş a tûrîstîk û herêmên Azîlal, Varzazat, Şîşava, Tarûdant, El Havûz ên Fasê kir. Piştî erdhejê ji bo 3 rojan li welat şîn hate ragihandin. Ji qada navneteweyî daxuyanî û peyamên ji bo piştgiriya bi Fasê re hatin dayin. Yekîtiya Ewropa, Yekîtiya Afrîkayê, Amerîka û bi dehan welatan sersaxî dan û diyar kirin ku ew ji bo alîkariyê amade ne.
Di sala 1960’î de jî li bajarê Fasê yê Agadîrê erd hejiyabû û herî kêm 12 hezar kesî jiyana xwe ji dest dabû. Ji sala 1960’î ve erdheja herî giran e ku li welat pêk tê.
