Rîo de Janerîo de varayîşo zêde ê varabî bî sebebê laserî. Lasero ke verjîya de tewr tay 14 kesî awe de şîyî

Eyaletê Rîo de Janerîo yê Brezîlya de varayîşo zêde vera laser verişt û ge-ge tay cayan de laser bî sebebê heyelanî. Varan di rojan bê maben vara. Laser û heyelan vera tewr tay 14 kesî cuya xo bedelnayî. Mîyanê înan de dayikek û 6 domanê xo zî estî.

Serekkomar Jair Bolsonaro serê hesabê xo yê medyaya komelkî de eşkera kerd ke eyaleto ke nufusê ci 17,5 mîlyono de seba xelisnayîşê şarî pê teyareyanê leşkerî operasyon dîyayo dest pê kerdiş.

Serwîsê meteorolojî zî da zanayene ke rojanê verênan de reyna herême de varayîş yeno pawitiş.

6 hewte verê cû zî Petropolîso ke keweno eyaletê Rîo de Janerîo de awe û heyelan vera 233 tenî cuya xo bedelnabî.

Pisporî dîyar kenê ke germo küresel û afetê xozayî yê El Nîna yê Okyanusê Pasfîkî vera sezonê varayîşî Brezîlya de giran derbaz beno û na nuqta de şarî îqaz kenê.

Aşma çeleyî de zî eyaletê Sao Paulo yê Brezîlya de laser û heyelan vera 28 kesî merd bî.