Duh li gundê Hêlînê yê navçeya Farqînê ya Amedê di navbera endamên HPG’ê û leşkeran de şer derket. Di şer de 3 endamên HPG’ê jiyana xwe ji dest dan. Piştî bûyerê leşkeran 5 koçer binçav kirin. Cenazeyên 3 endamên HPG’ê anîn Saziya Tipa Edlî ya Amedê. Malbata yek ji endamê HPG’ê Rahim Saygi, ji bo cenaze teşhîs bike, serî li Serdozgeriya Komarê ya Amedê da.
Leşkeran di operasyona li dijî koçeran de konê koçeran şewitand û piştre koçerên bi navê R.D. (54), S.D., H.D. (24), H.D. (28), M.S. (45) bi îşkenceyê binçav kirin. 5 welatiyên koçer hêj li Fermandariya Cendirmeyan a Amedê tên rawestandin.
