Tevgera Ciwanên Şoreşger (TCŞ), Jinên Ciwanên Têkoşer (TekoJIN) û tevgerên ciwanên enternasyonalîst di 10’ê cotmehê de bi daxuyaniyekê ragihandin ku ew xwedî li kampanyaya bi dirûşma “Ji Abdullah Ocalan re azadî, ji bo pirsgirêka kurd re çareserî” derdikevin. Tevgerên ciwanan dê ji bo azadiya fîzîkî ya Rêberê PKK’ê Abdullah Ocalan li 10 navendên Ewropayê meşan li dar bixin.
Dê meş li Toronto ya Kanadayê, Bruksel a Belçîkayê, London a Ingilistanê, Zurîh a Swîsreyê, Berlîn, Frankfurt, Hamburg, Stuttgart û Dusseldorf ên Almanyayê û li paytexta Fransayê Parîsê bên lidarxistin.
