Rêberê PKK’ê Abdullah Ocalan 24 sal in li Girtîgeha Îmraliyê ya Tîpa F’yê bi awayekî dijwar tê tecrîdkirin. Ji 25’ê adara 2021’ê ve tu xeber ji Abdullah Ocalan nayên girtin.
Hewldanên li dijî vê tecrîda mutleq li qada netewî û navneteweyî didomin.
Siyasetmedar, rewşenbîr, hiqûqnas û rojnamevan jî di nav de ji 7 welatan Delegasyona Navneteweyî ya Li Dijî Tecrîdê ku ji 36 kesan pêk dihat, di navbera 24-29’ê çileyê de li Stenbol, Enqere û Amedê hevdîtin bi partiyên siyasî, baroyan û rêxistinên civaka sîvîl re kiribû. Delegasyonê, piştî hevdîtinan têkildarî tecrîda li Îmraliyê raporek amade kiribû bi raya giştî re parve kiribû.
Delegazyona Aştiyê ya Îmralî ya Navneteweyî
Delegasyona Aştiyê ya Îmraliyê ya Navneteweyî ku hat Tirkiyeyê, dê li Stenbolê hin hevdîtinan bike. Şande dê di navbera 11-12’ê gulanê de li bajêr serdana gelek saziyan bike û têkildarî tecrîda li Îmraliyê û geşedanên li welêt hin civînan çêbike.
