Sînema qeybî naskerdişê welatan, şaran muhîm a û eno het de kurdî zî game bi game raver şinê. Ma ewro bale bancê înan ra di heban.
Jo te ra ene wa: Derhênera kurde, Festîvala Fîlman a Berlînî (Berlinale) de bi ser kewte û xelate girote. Ma qala derhênera kurde Kurdwin Ayûbe kenê.
A serey 1990 de Duhok de ameya dinya. Enka Viyana de jiyaney xwu dewam kena. Zanîngeha Hunerî ya Viyanaya Avusturya wenda. Serey 2013’an ra nat fîlmanê kilman ancena, senaryo nisnena û karê hunerî ra eleqedar a. Enka ay fîlmê xwu o yewîne ya derg bi nameyê “Sonne” ant. Fîlmê ay di beşê “Fîlmo Yewîn” ê Berlinale de bi ser kewt û ay xelate girote.
Festîvala Berlinale dinya de yew festîvalanê muhîman ra wa. Festîvale emsar 10’ê sibate de dest pa kerd û 20’ê sibate de qedêna, la verî temamkerdişî bi hîrê rojan xelatan kena vila. Û kurdêke bi xelatêke muhîme tiya game eyşte miyanê sînemaya dinya.
Û çiya bîne ke ma wazenê sero vinderê festîvala bi nameyê “Kurt û Kurmancî” ya. Çende kurdanê ciwanan dest bi xebatêke anayîne kerde. Reya yewîne bî ke viraziya. Armanc zî ew bî ke yew deqe fîlmî bêrê antişî.
Yew deqe çi yo? Çi qîmetê yew deqî esto? Bersiv eno wo: Erê yew deqe zehf niyo la di ene dinyaya dîjîtal de çikew muhîm o ke merdim beşko di yew deqe de derdê xo biyaro ziwan.
Amadekaranê festîvale karêke baş kerd. 47 fîlmê kilmî, ê yew deqîqeyî înan rê amey şirawitişî û înan 16 hebî te ra weçînay, serê keyepela ‘sinemayakurdi.net’ ra motî ra. Tenê ro fîlman temaşe kerdî veng zî day. 10’ê sibata emsarî de festîvale temam bî û peynî de fîlmê “Êdî Bêyî Tirs”, “QWX”, “Hişê Zarok” û “Li Malê” bi ser kewtî.
Erê nameyê festîvale henî bi problem bî. Vat bî “Kurt û Kurmancî”. Belkî fîlmêke kilm bi kirmanckî (Zazakî), yan bi soranî zî bêro şirawitişî… Loma zî bivatê “Kurt û Kurdî” go tewr baş bayne. Ez bawer kena serênan go ene joy rast bikerê.
Helbet sînemagerê ma miyanê hewldanan de yê, xebetênê, fîlman ancenê û go bancê zî. Mesela Mano Xelîl par “Sînor” ant bî, par ra heta enka zehf festîvalanê miyanê neteweyan de xelatî girotî.
La wirdî xeberê ma day semedo newey bî, ma zehf qalê înan kerd. Ez bawer kena seranê vernî ma de sînemaya kurdî go tewr baş raver şoro.
Çikew muhîm o ke raver şoro. Çimkî dinya bi sînema tarîxê xwu nisnena, bi sînema derdanê xwu mocnena dinya û sînema zî endî sektorêke muhîm a. Ma hêvî bikerê eno het de zî ma go raver şin û biresin dinya.
Dewey Ma
Dewey Ma
Sînema qeybî naskerdişê welatan, şaran muhîm a û eno het de kurdî zî game bi game raver şinê. Ma ewro bale bancê înan ra di heban.
Jo te ra ene wa: Derhênera kurde, Festîvala Fîlman a Berlînî (Berlinale) de bi ser kewte û xelate girote. Ma qala derhênera kurde Kurdwin Ayûbe kenê.
A serey 1990 de Duhok de ameya dinya. Enka Viyana de jiyaney xwu dewam kena. Zanîngeha Hunerî ya Viyanaya Avusturya wenda. Serey 2013’an ra nat fîlmanê kilman ancena, senaryo nisnena û karê hunerî ra eleqedar a. Enka ay fîlmê xwu o yewîne ya derg bi nameyê “Sonne” ant. Fîlmê ay di beşê “Fîlmo Yewîn” ê Berlinale de bi ser kewt û ay xelate girote.
Festîvala Berlinale dinya de yew festîvalanê muhîman ra wa. Festîvale emsar 10’ê sibate de dest pa kerd û 20’ê sibate de qedêna, la verî temamkerdişî bi hîrê rojan xelatan kena vila. Û kurdêke bi xelatêke muhîme tiya game eyşte miyanê sînemaya dinya.
Û çiya bîne ke ma wazenê sero vinderê festîvala bi nameyê “Kurt û Kurmancî” ya. Çende kurdanê ciwanan dest bi xebatêke anayîne kerde. Reya yewîne bî ke viraziya. Armanc zî ew bî ke yew deqe fîlmî bêrê antişî.
Yew deqe çi yo? Çi qîmetê yew deqî esto? Bersiv eno wo: Erê yew deqe zehf niyo la di ene dinyaya dîjîtal de çikew muhîm o ke merdim beşko di yew deqe de derdê xo biyaro ziwan.
Amadekaranê festîvale karêke baş kerd. 47 fîlmê kilmî, ê yew deqîqeyî înan rê amey şirawitişî û înan 16 hebî te ra weçînay, serê keyepela ‘sinemayakurdi.net’ ra motî ra. Tenê ro fîlman temaşe kerdî veng zî day. 10’ê sibata emsarî de festîvale temam bî û peynî de fîlmê “Êdî Bêyî Tirs”, “QWX”, “Hişê Zarok” û “Li Malê” bi ser kewtî.
Erê nameyê festîvale henî bi problem bî. Vat bî “Kurt û Kurmancî”. Belkî fîlmêke kilm bi kirmanckî (Zazakî), yan bi soranî zî bêro şirawitişî… Loma zî bivatê “Kurt û Kurdî” go tewr baş bayne. Ez bawer kena serênan go ene joy rast bikerê.
Helbet sînemagerê ma miyanê hewldanan de yê, xebetênê, fîlman ancenê û go bancê zî. Mesela Mano Xelîl par “Sînor” ant bî, par ra heta enka zehf festîvalanê miyanê neteweyan de xelatî girotî.
La wirdî xeberê ma day semedo newey bî, ma zehf qalê înan kerd. Ez bawer kena seranê vernî ma de sînemaya kurdî go tewr baş raver şoro.
Çikew muhîm o ke raver şoro. Çimkî dinya bi sînema tarîxê xwu nisnena, bi sînema derdanê xwu mocnena dinya û sînema zî endî sektorêke muhîm a. Ma hêvî bikerê eno het de zî ma go raver şin û biresin dinya.