Duh di saetên derengiya şevê de dewleta tirk li dijî rojava û başûrê Kurdistanê êrîşeke nû ya hewayî da destpêkirin. Balafirên dewleta tirk li gel herêmên Kobanê, Şehba û Zirganê, gundê Teqil Betil ê girêdayî bajarê Dêrikê yê Kantona Qamişlo jî du caran bombebaran kir.
Piştî êrîşa yekemin welatiyên herêmê xwestin xwe bigihînin cihê bombebaranê. Lê dewleta tirk cara duyemîn li dijî welatiyan êrîş pêk anîn. Nûçegîhanê Ajansa Nûçeyan a Hawarê (ANHA) Îsam Ebdûllah ku ji bo ku rewşê bişopîne çû cihê bûyerê di vê êrîşê de bi giranî birîndar bû û şehîd bû.
