Li gorî daneyên JINNEWS’ê; di meha tîrmehê de 26 jin û 2 zarok hatine kuştin. Her wiha 9 jin û 4 zarokan jî bi awayekî guman jiyana xwe ji dest daye. Di heman demê de hewl dan çêbûne ku 4 jin bên kuştin.

Ji jinên hatine kuştin 9 jê ji hêla hevjînên xwe ve hatine kuştinku ji wan 4 jê di pêvajoya hevberdanê de bûne. Her wiha li gorî çeteleya tundiyê; 7 jin ji hêla hevalê xwe yê zilam ve, 3 jê ji hêla kurên xwe ve, 2 jê ji hêla zilamê ku hevberdabûn, 2 jê ji hêla nas-xizmên xwe ve, yek jê ji hêla destgirtiyê xwe ve, yek jê ji hêla hevalê xwe yê kar ve hatin kuştin. Jineke hatiye kuştin jî nayê zanîn bê ka çiqas nêzî faîl e.

Stenbol bûye navenda kuştina jinan

Bajarên herî zêde jin lê hatine kuştin jî wiha ne: “Li Stenbolê 7, li Mêrsînê 2, li Enqereyê 2, li Nevşehîrê 2, li Manîsayê 2, li Bursayê 1,  li Antalyayê 1, li Çorumê 1, li Mêrdînê 1, li Samsunê 1, li Êlihê 1, li Dîlokê 1, li Sakaryayê 1, li Gîresûnê 1, li Meletiyê 1 û li Îzmîrê jî jinek hat kuştin.”