Danişîna doza rojnameger Hatîce Şahîn a di çarçoveya lêpirsîna Kongreya Civaka Demokratîk (KCD) bi îdiaya “Endama rêxistinê ye” tê darizandin, li Dadgeha Cezayê Giran a Amedê ya 9’emîn pêk hat. Şahîn tev li danişînê nebû û parêzerê wê Resûl Tamur di danişînê de amade bû. Dozger biryara xwe pêşkêşî dadgehê kir. Dozger xwest bi îdiaya “endamtiya rêxistinê” ji 7 salan heta 15 salan cezayê hepsê li Şahîn bê birîn.
Parêzer Resûl Tamur diyar kir ku ew mutalayê red dikin û ji bo dikaribe li dijî mutalayê parastinê bike dema zêde xwest. Dadgehê dewama biryara tedbîra kontrola edlî da û daxwaza Tamûr qebûl kir û danişînê taloqî 19’ê îlonê kir.
