Enternasyonalîstanê Swêdî sucê Erdoganî pê projektorî ramojnayî.

Paytextê Swêdî Stockholm de enternasyonalîstan pê projektorî Grona Lundî de sucê şerî yê dewleta tirke teşhîr kerdî. Çalakîye de figurê Serekkomarê Tirkîya Recep Tayyip Erdoganî yo ke sembolê hemkarîya ci yê bi DAÎŞî yo ame şuxulnayene. Pê projektorî slogana Jin Jiyan Azadî zî ameye ramojnayene.

Aktîvîstan pê hashtagê “ma heme sûcanê şima vînenî “, “ma faşîzmê tirkî bieciqnê” û “Jin jiyan azadî ” medyaya sanale de eşkerayîye daye û vat rejîmê Erdoganî vera kurdan kampanyaya qirkerdişî daya destpêkerdene. Eşkerayîye de bêvengîya OPCWyî ya vera şuxulnayîşê çekanê kîmyewîyan zî ameye şermezarkerdene.

Eşkerayîye de bale ameye ser antene ke hukmatê Swêdî nê sucan rê çimê xo girewtî, heta seba ke bikewo çimanê dewleta tirke kurdan teslîmê înan keno û vera endamîya NATOyî çekan roşeno ci û beno hemkarê sucanê şerî.

Eşkerayîye de semedê tewrbîyayîşê rayraşîyayîşê ke do 21ê kanûne de Stockholm de bêro kerdene ame vengdayene.