Komîteya Rayberdişî ya HBDHyî serrgêra Qirkerdişê Garî yê Anqara yê 10ê Teşrîna Verêne de eşkera kerd ke Qirkerdişê Garî bi destê dewleta tirkan ameyo serûberkerdene.

Eşkerayîye de ame parekerdene ke Qirkerdişê Garî hetê dewleta tirke ra ameyo plankerdene. HBDHyî vat: “Hêvîya azadîye ya şaran Rojawan de bi şorişî ganî bîye. Dewleta tirke ya faşîste teyna bi dezgehanê xo ney, pê pêro rêxistinanê cerg û kontrayan şer rêxistin kena. Serrgêra Qirkerdişê Garî de ganî karker, kedkar, cinî û ciwanî vera na dewleta faşîste heqê xo yê pawitişê meşrûyî bişuxilnê û xo rêxistin bikerê. Bi nê ferasetî ganî ma esasê heqê pawitişê meşrûyî de têkoşînê edaletî bivurnê têkoşînê hesabpersayîşî. Seba ke hesabê nê qirkerdişî bêro persayene ma venga pêro kesan danê ke mîyanê refanê HBDH û KBDHyî de xo rêxistin bikerê û hêrsê xo bikirişê îradeyê çalakîye.”