Rêxistina HDP’ê ya Nisêbînê, bi boneya balê bikişîne ser doza HDP’ê daxuyanî da û dest bi nobedê kir.

Rêxistina HDP’ê ya Nisêbînê bi armanca balê bikişînin ser doza kumpasê ya Kobanê li pêş avahiya xwe daxuyanî da çapemeniyê û piştre Nobeda li dijî dozê girt. Endam û rêveberên HDP’ê pankarta “Kûmpasa Kobanê siyasî ye” vekir û beşdarî daxuyaniyê bûn. Li ser navê HDP’ê, Hevseroka Rêxistina HDP’ê ya Nisêbînê Şîndar Akinci anî ziman ku Doza Kûmpasê ya Kobanê li dijî jiyana wekhev, aştî, demokrasî û edaletê hatiye vekirin. Akinci, da zanîn ku doza Kobanê bi fermana AKP-MHP’ê ya faşîst ku serkeftina têkoşîna gelê kurd a li dijî DAIŞ’ê tehamul nake bi destê darazê hatiye vekirin.”

Endam û rêveberên HDP’ê piştî daxuyaniyê li dijî doza kûmpasê ya Kobanê li avahiya HDP’ê ya Nisêbînê dest bi nobedê kirin. Koma beşdarî nobedê bûn, li ser geşedanên siyasî niqaş kirin.